[A:73] sku zhang mkhyen rab chos rje rin chen mchog grub 'byon par bskul te sngags kyi grwa tshang du bsgyur bas/ phyis mkhyen rab bstan 'dzin bzang po dang / mkhyen rab byams pa ngag dbang lhun grub/ dpon mkhyen brtse rab brtan sogs chos rje bco brgyad pa gong 'og rnams dang / zhabs drung nor bu lags kyi sku skye mkhas grub sangs rgyas bstan 'dzin/ thams cad mkhyen pa byams pa ngag dbang bstan 'dzin phrin las/ lce btsun byams pa ngag dbang bstan 'dzin snyan grags bar gyi gzim khang 'og sku phreng rim byon gyis zab gsang slob bshad kyi sengge'i sgra chen po sgrogs pas mtshon/ rgyud dang man ngag rgya mtsho'i 'jug?'dzug ngogs su gyur// / // gong dkar gangs dkar rdo rje gdan ni/ mthu stobs kyi dbang phyug bu ston kun dga' rnam rgyal gyis btab/ sa skya rdzong lugs dang / bu lugs 'dres ma'i chos rgyun bskyangs/ bar skabs su dar rgyas shin tu che bar byung zhing / deng sang yang rgyud sde bzhi dang 'brel ba'i smin grol sgrub mchod sogs rgyun phal cher ma nyams par yod// / //gtsang ngoms ring gi chos sder/ mkhan po shAkya sengge sogs rim par byon/ mtshan nyid kyi grwa sa che shos gcig yin// / //gtsang rong 'bras yul skyed tshal ni/ byams