[A:༧༣] སྐུ་ཞང་མཁྱེན་རབ་ཆོས་རྗེ་རིན་ཆེན་མཆོག་གྲུབ་འབྱོན་པར་བསྐུལ་ཏེ་སྔགས་ཀྱི་གྲྭ་ཚང་དུ་བསྒྱུར་བས། ཕྱིས་མཁྱེན་རབ་བསྟན་འཛིན་བཟང་པོ་དང་། མཁྱེན་རབ་བྱམས་པ་ངག་དབང་ལྷུན་གྲུབ། དཔོན་མཁྱེན་བརྩེ་རབ་བརྟན་སོགས་ཆོས་རྗེ་བཅོ་བརྒྱད་པ་གོང་འོག་རྣམས་དང་། ཞབས་དྲུང་ནོར་བུ་ལགས་ཀྱི་སྐུ་སྐྱེ་མཁས་གྲུབ་སངས་རྒྱས་བསྟན་འཛིན། ཐམས་ཅད་མཁྱེན་པ་བྱམས་པ་ངག་དབང་བསྟན་འཛིན་ཕྲིན་ལས། ལྕེ་བཙུན་བྱམས་པ་ངག་དབང་བསྟན་འཛིན་སྙན་གྲགས་བར་གྱི་གཟིམ་ཁང་འོག་སྐུ་ཕྲེང་རིམ་བྱོན་གྱིས་ཟབ་གསང་སློབ་བཤད་ཀྱི་སེངྒེའི་སྒྲ་ཆེན་པོ་སྒྲོགས་པས་མཚོན། རྒྱུད་དང་མན་ངག་རྒྱ་མཚོའི་འཇུག?འཛུག་ངོགས་སུ་གྱུར༎ ། ༎ གོང་དཀར གངས་དཀར་རྡོ་རྗེ་གདན་ནི། མཐུ་སྟོབས་ཀྱི་དབང་ཕྱུག་བུ་སྟོན་ཀུན་དགའ་རྣམ་རྒྱལ་གྱིས་བཏབ། ས་སྐྱ་རྫོང་ལུགས་དང་། བུ་ལུགས་འདྲེས་མའི་ཆོས་རྒྱུན་བསྐྱངས། བར་སྐབས་སུ་དར་རྒྱས་ཤིན་ཏུ་ཆེ་བར་བྱུང་ཞིང་། དེང་སང་ཡང་རྒྱུད་སྡེ་བཞི་དང་འབྲེལ་བའི་སྨིན་གྲོལ་སྒྲུབ་མཆོད་སོགས་རྒྱུན་ཕལ་ཆེར་མ་ཉམས་པར་ཡོད༎ ། ༎གཙང་ངོམས་རིང་གི་ཆོས་སྡེར། མཁན་པོ་ཤཱཀྱ་སེངྒེ་སོགས་རིམ་པར་བྱོན། མཚན་ཉིད་ཀྱི་གྲྭ་ས་ཆེ་ཤོས་གཅིག་ཡིན༎ ། ༎གཙང་རོང་འབྲས་ཡུལ་སྐྱེད་ཚལ་ནི། བྱམས་