[A:83] pas slob bshad bstan pa'i sman yon chen por gyur/ bka' 'gyur ba dang / rmor chen la sogs las rdo rje brag rig 'dzin padma phrin las dang / rig 'dzin gter bdag gling pa sogs kyis kyang zab chos kyi bdud rtsi bzhes pas gsang chen rnying ma'i bstan 'dzin chen po rnams kyang phyogs 'di la thugs mos kyi padmo lhag par bye/ lhag par khyab bdag gnas gsar ba las/ 'jam mgon kun dga' blo gros kyis snyan brgyud mtha' dag gsan pas gdan sa chen po gtso bor gyur pa'i gtsang dbus khams gsum gyi slob bshad bstan pa'i chu mgo lta bur gyur/ rdo rje 'chang mkhyen rab byams pa dang / de'i sku dbon mkhyen brtse rab brtan/ rtse gdong khri chen mkhyen rab bstan 'dzin lhun grub/ gnas gsar ba'i zhal slob rdzong shar bod 'brug pa chos rje blo gsal phun tshogs/ de'i zhal slob bco brgyad khri chen ngag dbang kun dga' mkhyen rab/ 'jam mgon kun blo'i zhal slob rtse gdong khri chen dge 'dun bkra shis dpal 'byor dang / gzims 'og pa ngag dbang bstan 'dzin phrin las gong 'og sogs kyis dpal rtse gdong srid gsum rnam rgyal dang / nA lendrar slob bshad kyi bdud rtsi spel/ khyab bdag bka' 'gyur