[A:༨༣] པས་སློབ་བཤད་བསྟན་པའི་སྨན་ཡོན་ཆེན་པོར་གྱུར། བཀའ་འགྱུར་བ་དང་། རྨོར་ཆེན་ལ་སོགས་ལས་རྡོ་རྗེ་བྲག་རིག་འཛིན་པདྨ་ཕྲིན་ལས་དང་། རིག་འཛིན་གཏེར་བདག་གླིང་པ་སོགས་ཀྱིས་ཀྱང་ཟབ་ཆོས་ཀྱི་བདུད་རྩི་བཞེས་པས་གསང་ཆེན་རྙིང་མའི་བསྟན་འཛིན་ཆེན་པོ་རྣམས་ཀྱང་ཕྱོགས་འདི་ལ་ཐུགས་མོས་ཀྱི་པདྨོ་ལྷག་པར་བྱེ། ལྷག་པར་ཁྱབ་བདག་གནས་གསར་བ་ལས། འཇམ་མགོན་ཀུན་དགའ་བློ་གྲོས་ཀྱིས་སྙན་བརྒྱུད་མཐའ་དག་གསན་པས་གདན་ས་ཆེན་པོ་གཙོ་བོར་གྱུར་པའི་གཙང་དབུས་ཁམས་གསུམ་གྱི་སློབ་བཤད་བསྟན་པའི་ཆུ་མགོ་ལྟ་བུར་གྱུར། རྡོ་རྗེ་འཆང་མཁྱེན་རབ་བྱམས་པ་དང་། དེའི་སྐུ་དབོན་མཁྱེན་བརྩེ་རབ་བརྟན། རྩེ་གདོང་ཁྲི་ཆེན་མཁྱེན་རབ་བསྟན་འཛིན་ལྷུན་གྲུབ། གནས་གསར་བའི་ཞལ་སློབ་རྫོང་ཤར་བོད་འབྲུག་པ་ཆོས་རྗེ་བློ་གསལ་ཕུན་ཚོགས། དེའི་ཞལ་སློབ་བཅོ་བརྒྱད་ཁྲི་ཆེན་ངག་དབང་ཀུན་དགའ་མཁྱེན་རབ། འཇམ་མགོན་ཀུན་བློའི་ཞལ་སློབ་རྩེ་གདོང་ཁྲི་ཆེན་དགེ་འདུན་བཀྲ་ཤིས་དཔལ་འབྱོར་དང་། གཟིམས་འོག་པ་ངག་དབང་བསྟན་འཛིན་ཕྲིན་ལས་གོང་འོག་སོགས་ཀྱིས་དཔལ་རྩེ་གདོང་སྲིད་གསུམ་རྣམ་རྒྱལ་དང་། ནཱ་ལེནྡྲར་སློབ་བཤད་ཀྱི་བདུད་རྩི་སྤེལ། ཁྱབ་བདག་བཀའ་འགྱུར་