[A:92] brtsams te/ kun tu dgos pa'i gzhung bdun sogs mdo sngags kyi gzhung lugs chen po'i bar thams cad dka' ba med par thugs su chud/ rdo rje 'chang nam mkha' 'chi med las sdom pa gsum gyi bka' drin nos te thub bstan yongs su rdzogs pa'i nor bu'i khri la zhabs bkod bcas pa dang rang bzhin nyes ltung phra mos kyang ma gos pa'i phyir tshul khrims kyi dri bsung zhim pos gar bzhugs kyi phyogs thams cad du khyab/ mkhan chen dam pa gtso bor gyur pa'i yongs 'dzin nyi shu rtsa lnga las rje btsun sa skya pa'i snyan brgyud tshad ma bzhi ldan sogs zab rgyas kyi gdams pa rgya mtsho lta bu gsan cing / de dag gi tshig gi sdeb sbyor/ don gyi dgongs pa/ phyag lenlan phra mo tshun la'ang bsam byung gis sgro 'dogs bcad pas 'khrul med du mkhyen/ dpal dgyes pa rdo rje'i bsnyen pa lan gnyis sogs lhag pa'i lha du ma'i gzhi'i bsnyen pa dang / rgyun gyi nyams bzhes rim gnyis zab mo'i rnal 'byor rtse gcig tu bsgoms bas/ lhan gcig skyes pa'i ye shes gzigs/ byang chub sems gnyis 'byongs/ thub dbang gnas brtan bcu drug dang / slob dpon sangs rgyas gnyis pa sogs kyis dgyes pa'i 'dzum zhal bstan/ rdo rje'i srung ma dang dkar phyogs skyong ba'i gzhi bdag