[A:91] 'dzin gyi skyes bu mang du bskrun/ bshad sgrub las gsum gyi phrin las bsam mi khyab pa'i ngang re zhig zhing 'di'i gdul bya de tsam du gzigs nas dbon rin po che byams pa rnal 'byor 'jam dpal bzang po la phyi mtha'i zhal chems lhug par stsal zhing dgung lo lnga bcu rtsa drug par ngo mtshar ba'i ltas du ma dang bcas te dpal lhun grub steng gi bla brang phan bde kun khyab gling du gzugs sku'i bkod pa bsdus pa'i tshul bstan/ gshegs rjes kyi bya ba rnams sku'i dbon mchog dang / sde dge chos rgyal chen po mchod yon gyis mthar phyin par mdzad do// // rje 'di nyid kyi sku'i dbon dang thugs kyi sras su gyur pa bdag cag lha dang bcas pa'i skyabs gcig mkhan chen rdo rje 'chang chen po mched zhal gnyis te/ de la rigs dang dkyil 'khor rgya mtsho'i khyab bdag mkhan chen rdo rje 'chang byams pa kun dga' bstan 'dzin ni/ rab byung bcu gsum pa'i me sprel lor brang ti mkhas pa'i rigs su 'khrungs/ sku gzhon nu nas yon tan rin po che du ma'i 'byung gnas dpal e waM chos ldan gyi bla brang thar pa rtser phebs/ nges 'byung snying rje ngang gis 'khrungs/ mkhyen rab kyi gter mdzod grol bas rgyun gyi bya cha chos spyod nas