[A:94] pa'i nyi ma kun dga' 'jam dpal grags pa dang / mkhyen rab kyi dbang phyug mtshungs med zhabs drung gcung rin po che sogs kyis mtshon/ mdor na dus 'dir dpal sa ngor tshar gsum gyi bstan 'dzin rnams kyi gtsug na sangs rgyas gnyis pa ltar 'tsho zhing gzhes pa ste/ slar yang ji srid bskal pa rgya mtshor zhabs pad rdo rje'i khams su brtan cing phrin las mkha' mtha' brdal bar gsol ba 'debs pa lags so/ //rje 'di nyid kyi sku mched rdo rje 'chang byams pa rnal 'byor 'jam dpal bzang po ni/ rab byung bcu gsum pa'i sa mo bya'i lor dam pa'i rigs su 'khrungs/ ngor e waM chos ldan du byon nas rdo rje 'chang nam mkha' 'chi med kyi spyan sngar thub bstan rin po che'i sgor zhugs/ rim gyis gzhung lugs che phra thugs 'dzin sogs bslab sbyong la brtson pa'i skabs rnams su 'od gsal gyi snang bar/ rje btsun rnal 'byor gyi dbang phyug dang / dpal sa skya pa chen pos yang yang byin gyis brlabs/ mkhan chen thams cad mkhyen pa byams pa bsod nams dpal 'byor las/ dpal e waM pa'i skyes bu dam pa rnams rim par brgyud pa'i sdom rgyun rnam par dag pa las bsnyen par rdzogs shing tshul khrims kyi bslab pas gzhi bzung ste/