[A:102] du btab/ khyad par sngags phyogs la/ dpal sa skya pa'i gdan sa gong 'og tu/ theg chen chos rje kun dga' bkra shis/ rgya gar ba shes rab rgyal mtshan/ bdag chen blo gros rgyal mtshan/ sa lo kun dga' bsod nams/ sngags 'chang kun dga' rin chen nas/ ngag gi dbang po kun dga' blo gros yab sras brgyud 'dzin dang bcas pa/ rtse gdong khri chen bsod nams lhun grub rnams bka' drin che zhing / spyir yang thams cad mkhyen pa dkon mchog lhun grub kyis/
mi shes gdol ba'i phru gu phongs pa yi/
'khor gyis btegs la 'jig rten 'dren pa zhes/
smig rgyur 'bab chur sgrogs pa'i grags stong sgras/ /
'jig rten yam yoryam mor byed dang 'di mi mtshungs/ /
zhes pa ltar gdung brgyud rin po che 'di rnams mkhyen rab dang / mthu stobs sogs skyes thob kyi yon tan kho na'ang gzhan sprul pa'am/ gdung brgyud ches chen por rlom pa rnams kyis kyang cha tsam bsgrun med pa ni deng sang gi bar du mngon sum tshad mas grub/ bye brag tu ngor chen rdo rje 'chang chen po'i bka' srol 'dzin pa la/ mus chen dkon mchog rgyal mtshan/ kun mkhyen bsod nams sengge/ thams cad mkhyen pa dkon mchog lhun grub/ paN chen nam mkha' dpal bzang / sgrub khang pa mkhas