[A:༡༠༢] དུ་བཏབ། ཁྱད་པར་སྔགས་ཕྱོགས་ལ། དཔལ་ས་སྐྱ་པའི་གདན་ས་གོང་འོག་ཏུ། ཐེག་ཆེན་ཆོས་རྗེ་ཀུན་དགའ་བཀྲ་ཤིས། རྒྱ་གར་བ་ཤེས་རབ་རྒྱལ་མཚན། བདག་ཆེན་བློ་གྲོས་རྒྱལ་མཚན། ས་ལོ་ཀུན་དགའ་བསོད་ནམས། སྔགས་འཆང་ཀུན་དགའ་རིན་ཆེན་ནས། ངག་གི་དབང་པོ་ཀུན་དགའ་བློ་གྲོས་ཡབ་སྲས་བརྒྱུད་འཛིན་དང་བཅས་པ། རྩེ་གདོང་ཁྲི་ཆེན་བསོད་ནམས་ལྷུན་གྲུབ་རྣམས་བཀའ་དྲིན་ཆེ་ཞིང་། སྤྱིར་ཡང་ཐམས་ཅད་མཁྱེན་པ་དཀོན་མཆོག་ལྷུན་གྲུབ་ཀྱིས།
མི་ཤེས་གདོལ་བའི་ཕྲུ་གུ་ཕོངས་པ་ཡི།
འཁོར་གྱིས་བཏེགས་ལ་འཇིག་རྟེན་འདྲེན་པ་ཞེས།
སྨིག་རྒྱུར་འབབ་ཆུར་སྒྲོགས་པའི་གྲགས་སྟོང་སྒྲས། །
འཇིག་རྟེན་ཡམ་ཡོརཡམ་མོར་བྱེད་དང་འདི་མི་མཚུངས། །
ཞེས་པ་ལྟར་གདུང་བརྒྱུད་རིན་པོ་ཆེ་འདི་རྣམས་མཁྱེན་རབ་དང་། མཐུ་སྟོབས་སོགས་སྐྱེས་ཐོབ་ཀྱི་ཡོན་ཏན་ཁོ་ནའང་གཞན་སྤྲུལ་པའམ། གདུང་བརྒྱུད་ཆེས་ཆེན་པོར་རློམ་པ་རྣམས་ཀྱིས་ཀྱང་ཆ་ཙམ་བསྒྲུན་མེད་པ་ནི་དེང་སང་གི་བར་དུ་མངོན་སུམ་ཚད་མས་གྲུབ། བྱེ་བྲག་ཏུ་ངོར་ཆེན་རྡོ་རྗེ་འཆང་ཆེན་པོའི་བཀའ་སྲོལ་འཛིན་པ་ལ། མུས་ཆེན་དཀོན་མཆོག་རྒྱལ་མཚན། ཀུན་མཁྱེན་བསོད་ནམས་སེངྒེ། ཐམས་ཅད་མཁྱེན་པ་དཀོན་མཆོག་ལྷུན་གྲུབ། པཎ་ཆེན་ནམ་མཁའ་དཔལ་བཟང་། སྒྲུབ་ཁང་པ་མཁས་