[B:49a] che bsam nas 'ongs pa yin gsung pas/ de bden drongs zer ba dang / cig gis zan hril cig dang mar drangs byung bas/ 'di ngan byed gcig tu 'dug dgongs nas/ khyod la phyag btsal nas za ma za ba yin gsungs shing / sku gsung thugs byin gyis rlobs pa'i yi ge rnams gnas rnams su bkod nas yar bzhengs te kho la phyag gnyis 'tshal/ gsum pa'i skabs su na mo bubhA ya gsung ba dang phyag gnyis zhabs gnyisakyi brla la brdegs pa dang lhan du nam mkha' la 'phur te rab byung de rnams kyi khrod du phebs nas/ 'di bla ma cig yin la che bsam byung ba yin te/ mthu pa cig tu 'dug pas thams cad kyis rdo rgyab gsungs pas thams cad kyis [A:116]rdo 'phangs nas kho 'bros dgos pa zhig byung / de res kyi byad kha de des bzlog pa yin par 'dug gsung / re zhig gi rmi lam du spyan g.yas kyi lcags ri'i byang sgo de la phyir 'thon nas gshegs pa na/ sgo de'i phyi rol gyi rdo khrod rnams la yungs kar dang sran ma bsres pa mang du gtor 'dug pas 'di la 'gro bar mi bzod pas 'gyel 'ong ngam dgongs pa'i mod kho na la/ sku lus 'gyel ba dang dus mnyam du phyogs bzhi nas bud med skra sbodade ba/ mon pa'i gos gyon nas rab tu brjes pa/ 'doms dkris cung zad re yod pa bzhi hab brgyugs su byung nas hab sha zer/ mkhan chen rin po che las kyi rdo rje la skyabs su mchi'o gsungs pas de rnams shin tu skrag nas gar song cha med par tha thor la song gsung / de bzhin du nub cig mnal lam la/ sku lus sgro ba chen po'i nang du bcug ste kha bkyigs byung ba na/ 'di sus byas pa yin gsungs pas gcig na re/ che sas byas pa yin zer/ dgongs pa la/ da 'di nas mi thar bas shi ba las 'os med dgongs nas bzang po spyod pa'i smon lam zhig gsungs pa na/ bde ba can gyi zhing der rab tu 'gro/ zhes gsungs pa'i skabs su rkyal pa zhabs rang rdol nas thon par gyur to/ skabs cig rtse thang gi bsam gtan gling du bzhugs dus/ mnal lam na/ spyan g.yas