[B:57b] sku mdun du gtugs ste sbyangs pas phyis 'khrul sel la shin du mkhas pa zhig byung / lha khangastengs su gdan sa sangs rgyas rgyal mtshan pas zhu ba po mdzad nas chos rje rin po che nam mkha' blo gros pa'i zhal snga nas gtso bor gyur pa'i bla ma bkras bsod pa/ slob dpon ston nyi/ slob dpon legs rgyam/ dbon po bsod rin la sogs pa mang po la dus 'khor rgyud 'grel gsungs / bla ma bkras bsod pas gsol ba btab nas/ bskyed rim yan lag bzhi pa rtsa 'grel brtsams/ gdan sa ba'i don du rgyud bla thogs med 'grel pa dang bcas pa gsungs pas gdan sa ba na re/ thogs med 'grel pa 'di chos rgya chen po zhig 'dug zer gsung / nga'i chos skad rnams la bla ma bkras bsod pa dang gdan sa ba de dgyes par byed/ thugs kyang shin du dag pa cig yod/ spyir gyis lha khang steng pa thams cad dam tshig rnam par dag[A:136]de'i don gyis da lta yid la byas dus su yang skyid snang che bar 'dug gsungs/ gdan sa ba 'dis gzhan yang chos mang du zhus/ rgya dur du slob dpon chos rgyal la dbang mdor bstan gsungs shing / dong sprugs kyi dbang gnang bas ye shes pa phebs/ dgung lo bzhi bcu pa phag gi lo la grar gsang 'dus gsan pa'i zhar la dge sbyong sangs rgyas chos rgyal la dbang mdor bstan rang gi nyams myong dang dpes nas gsungs/ phyis mi mang po la shu re ba re gsungs pas dge sbyong ba na re mi khrid ma nyan pa dang lhan du rgyud zhu ba 'di than che ba cig 'dug zer/ bzhi bcu rtsa gcig pa chu pho byi ba'i lo
1432lo
la rtses thang gi shar khang du rngo thog pa slob dpon chos rgyal la sogs pa gsum gyis gsol ba btab nas/ chos rje rin po che nam pa la sogs pa dge ba'i bshes gnyen mang po la/ dpal dus kyi 'khor lo'i rgyud 'grel legs par gsungs / de rjes chos rje rin po che nam pa dang slob dpon A nanda la sogs pa mang po la phar phyin gyi bshad pa gnang / chu mo glang gi lo la rgyal bzang du chos rje rin po che nam pa dang / chos rje bsam rin pa la sogs pa kha yar cig la dus 'khor rgyud 'grel gsungs / de nas rtses thang shar khang