[B:58a] du chos rje rin po che nam pa'i drung nas la tshad ma rnam 'grel gyi rang 'grel bzhud du mdzad nas bshad pa rgyas par gnang ba sogs/ lo de nas sa pho rta'i bar du chos mang du gsungs/ chos rje rin po che nam pa'i zhal snga nas la bshad pa dang lung dang 'bel ba'i bka' mchid kyis gtan la 'bebs pa'i chos sgo mtha' dag nas stsal/ sa pho rta'i lo'i dpyid sos btsan thang gi chos 'khor grol nas bsam gtan gling du dmar ston rgyal mtshan 'od zer ba'i gsung nas/ bdag 'dir 'tshogs kyi dge bshes kyi nang nas drang pa khyed [A:137]la gus pa cig byung ba yin/ chos rje paN chen nas rgyud pa'i sbyor drug cig zhu gsungs bas phul/ rta lo de'i dgun dwags po sku rab tu khri dpon pa la dpal gsang ba snying po'i rgyud 'grel pa dang bcas pa dang / lam rnam bkod kyi bshad pa/ dong sprugs kyi dbang gnang / lug lo'i dgun snyon phug tu slob dpon bsod bkras pa la rnal 'byor yan lag drug pa'i khrid yongs su rdzogs pa dang / slob dpon bsod bkras pa a ya ra khyi la sogs pa la dong sprugs kyi dbang dang / 'brum mdar gshin rje gshed dmar po'i dbang mdzad/ lcags mo bya'i dpyid yar lung sna mo chos rdzong du bzhugs nas/ chos rje rin po che nam pa'i zhal snga nas dang / chos rje rin po che lo chen dang / sde snod 'dzin pa mgon po rgyal mtshan pa dang / chen po bsod nams ye shes pa la sogs pa'i dge ba'i bshes gnyen mang po la phar phyin gyi bshad pa la sogs pa legs par gnang / chos dus ma yin pa'i gnas skabs thams cad du yang 'bel gtam la brten nas sngags mtshan nyid kyi zab pa dang rgya che ba'i chos kyi sgo mtha' dag dbye bar mdzad/ 'phags chen bsod nams dar ba dpon slob kha cig phebs nas phar phyin gsung ba'i chos grar bzhugs nas gsan/ de'i ston mjug sne'u gdong snang drung khrar bsod nams rgyal mtshan pa sne'u gdong gi gnyer so na bzhugs pa la phur pa man ngag drug pa la sogs pa'i dbang gnang / de'i dgun