[B:65b] zab mo/ zhal gdams sgo 'byed bcu pa/ stan thog gcig ma rnams kyang phul/ sgra'i sa ris cig zhu zhes pa'i bka' lung phebs pa la/ dang po bslabs na'ang da skyur bas brjed nas med zhus pas/ chos rje rin po che'i bka' lung la/ mi dgongs pa ga na yin/ bshad pa khag pa thams cad du skad dod kyi 'chad par 'dug so ma gsong dgongs par 'dug gsungs/ lug lo ra sgreng gzigs su phebs pas/ 'jam pa'i rdo rje dang mjal ba'i tshe pha zad nas dngos rang gi snang ba byung / de nas zhib tu ltas dus lha bzo 'bring tsam du 'dug gsung / rten byin brlabs can rnams kyi gzigs rtog dang / gling skor la sogs pa thugs shin du tshim par gnang / nags gseb mthon po na yang dgon zer ba rje rin po ches bzhugs pa'i gzims khang dang chos gsungs pa'i chos khri rnams la cod pan yang phul te stag lung du phebs/ dang po ra sgreng de dgon pa kha byang bstan cig yod la che dgongs pa la mtshan mo cig mnal lam du/ kha lhor [A:155]bstan pa la sogs pa gzigs pas mi la dris dus kyang kha lhor bstan yin zer/ rting res phebs dus mnal lam ji lta ba bzhin du 'dug gsung / kong po spyan snga ba la chos rje rgyal sras pa'i bka' 'bum dang dpal ye'i zin bris chen mo la sogs pa'i chos mang du gnang / dpon rnam pa dang dge 'dun mang pos rang rang gi 'dod chos mang du zhus pas mchod khang steng gi gsung chos grol nas/ gzims spyil du chos thun re bstar chags su gnang dgos shing / thar dgon pa'i gra pa gnyis kyis zhus nas lam rnam bkod kyi khrid gnang / de'i dbyar glang thang rin po che kun dga' rdo rje ba phebs 'bul ba zhabs tog rgya chen po mdzad/ lam 'bras dpe mdzod ma'i skor rnams gsung shing / gzhan yang jo bo'i lam yig jo stan byang chub bzang po'i be'u bum sngon po'i 'grel pa/ sgra mi snyan pa'i tshe sgrub la sogs pa'ang zhu ba po so so'i blo tshim par mdzad/ stag lung rin po che'i bkas bskul nas/ 'jam rdor gyi sgrub thabs brtsams/ rdo rje phreng ba la sogs pa'i dbang