[B:66b]bkod/ bde mchog gi dkyil chog paN chen rin po ches mdzad pa yang bsgyur/ de'i dgun dka' bcu ba nam mkha' rgyal mtshan la sogs pa la rin chen shing rta'i bshad pa dang / bdag sgrub pa gzhung mdzad nas bshad pa shin du zhib par gsungs/ dge ba'i bshes gnyen chen po 'gro bzang pa dang bla ma bstan pa rgyal mtshan pa dang dka' [A:157]bcu ba nam rgyal la sogs pa la gsang 'dus sgron gsal gyi bshad pa legs par stsal nas/ 'bel gtam kyang 'phel bar mdzad/ khyi lo la 'khor lo gsum gyi rnam bzhag gi brtsom pa yang gnang / de'i ston mkhan chen rin chen bzang po ba phebs dpal mkha' spyod pa'i chos drug chen mo/ lhan cig skyes sbyor/ gcod yul rnams gsungs/ gzhan yang yon sgom pa dang / sha bo ba la sogs pa bla ma rnams dang lung nang gi mi chen rnams dang lan mang du mjal zhing so sor nas zhabs tog kyang mang du zhus/ gong nas nga la dus zings thams cad bde chen du shar ba yin/ de la lan thob gsung ba'i chab shog byung ba la/ bdag mo ba yum sras dang ma bral nas legs po yang ste de dang 'bral bar 'dug dgongs nas de'i lan du/ dpal padma chen po'i gzhal yas na/ zhes bya ba la sogs pa phul ba yin gsung / de'i dgun phar phyin gyi spyi don brtsams/ de'i dpyid dge ba'i bshes gnyen mang po la do ha skor gsum/ phar phyin gyi spyi don la sogs pa mang du gsungs/ dbyar slar yang bkra shis dgon par phebs nas stag lung rin po che'i bka' lung gis dpal dus kyi 'khor lo'i dka' 'grel khyad par can dang / 'khrul 'khor bcu gcig gi nang bshad/ rje btsun pa'i rtsod lan rnams brtsams/ dgun yid bzang rtser phebs gdong du chos rje rin po che nam pa'i zhal snga nas la sogs pa'i dge 'dun mang po la dka' 'grel la sogs pa'i bka' 'bum rnams kyi lung legs par gnang / phag lo'i dgun dkyil nas sku mdun na yod pa rnams la de ring nas khyed rnams kyi go bar bya rgyu zhig yod/ nga mtshams dam par byed pas phyi rol nas skad cha ci byung yang khyer