[B:67b] rgyud de 'on du phebs/ chos kyi rje spyan snga tshes gnyis rin po che'i bka' lung gis phan tshun du bde bar phebs chog pas shin du 'o mi rgyal ba byung / rtse thang du phebs ma thag dka' bcu ba nam mkha' rgyal mtshan pas gsol ba btab nas spyod bsdus sgron ma dang / zhal lung grol thig rnams la bshad pa shin du rgyas par gnang / dka' bcu ba grags pa mtha' yas pa la mtshams sbyor lnga pa'i sa ris dang ming le yan/ brda' bstan pa tsam gyis chog par byung bas phar phyin gyi don bdun bcu yan dang / mdo sde rgyan gyi 'grel pa'i stod nas le'u gsum tsam gyi skad dod gnang / shing pho spre'u'i lo la dge 'dun mang po la rgyud bla dang / gsang snying spar khab dang bcas pa/ lam rnam bkod kyi bshad pa rgyas pa/ sgyu 'phrul gyi phran mang po'i lung rnams gnang ste/ zhu ba po dge ba'i bshes gnyen so sos mdzad kyang / shin du mang bar gsung ba de gsang sngags rnying ma pa'i bla ma'i dbon po gsum la ma chad tsam 'ong ba'i phyir gsungs pa yin no/ dgung lo bdun bcu rtsa gsum bzhes pa shing pho spre'u'i lo
1464lo
la dben par bzhugs bzhed pa yang / rang gi dgung mnyam gyi mi phal cher gshegs pa dang / paN chen rin po che'i bka' lung la/ da ni dngos grub sgrub pa don du gnyer gsung ba yang dang yang du phebs pa la sogs pa la brten nas/ de'i dbyar sos 'phyong po'i phu chos ldan lta bu gnas 'gol ba rgyang ring bar phebs bzhed pa na/ bkra shis dgon pa legs par dgongs nas ljang gi phur bteg lo gcig gi bar du chos 'brel tshun [A:160]yang mi gnang / gsol ja sbyor re las mi bzhes/ phal cher sku mtshams kho na la bzhugs/ mtshan mo gzims mal du phebs nas skar khongs gsum tsam las mi mnal bar bzhugs stan nyin mo de'i steng du phebs nas sang nam seng gi bar du thugs dam kho na la bzhugs/ nyin rangs par gzigs rtog gis dus 'das/ khyad par lcang gong nas mdo mangs spyan drangs