[B:7a] bka' bkyon mang du byon nas spyan g.yas su phebs pas slob dpon pa na re byon pa de legs/ 'bod mi cig gtong bsam pa yod pa yin gsung / yum gyi gson chos 'don gyi 'dug pa'i grogs mdzad/ de nas thugs cung zad skyo nas yod pas stagalo'i dpyid de 'phral gyi cha rkyen dum cig khur nas rtse thang du phebs kyang lam nas thugs 'gyur te yar klungs dgon thang gi na khar yo byad rnams bzhag[A:15]zla kham cig dpe cha pod chung gcig zha ser gnyis bsnams nas dgyer pa'i gru la thon nas thang sag tu phebs par brtsams pa na rdo mdar mdo smad pa dang thug nas zla kham phrogs/ de nas rgod dkar gyi la la phebs pas lam grogs cig gis dpe cha de 'khur grogs byas pas dpe cha de yang jag pas khyer/ de nas lha sar phebs te lam grogs 'tshol zhing phebs nas mi grong yod med kyi mtshams su gcig gi sog rar bzhugs pas tho rangs khar song rtsa na nang mis sbran na zla bo 'gug go zer/ de nas sgo la'i la khar phebs rtsa na ja kho pa byung pa la bros pas thar/ de nas thang sag tu phebs/ slob dpon ye rgyal ba de slob dpon ston shAka pa'i gra pa yin pas rtsad bcad nas khong la babs nas slob dpon du bzung / slob dpon gzhon 'od pa khong gi slob chung du 'dug pas khong la 'khya chos gsan/ gdan sa la dmar ston gzhon rgyal ba bzhugs 'dug pas chos gsan/ khyad par 'jug pa 'grel pa dang bcas pa/ thang sag pa'i lugs kyi gsung sgros rnams la legs par sbyangs/ 'jug pa rang 'grel dang bcas pa thugs la btsud pas legs par zin/ rtsa she tshig gsal dang bcas pa yang gsan/ khyad par bzhi brgya pa rje btsun red mda' ba'i TIka'i steng nas gsan te/ gdan sa ba de rje btsun red mda' ba'i dngos slob yin gsung / dpyid chos gcig nas ston chos gcig gi bar du bzhugs/ 'jug 'grel thugs la btsud pa'i tshe zla ba'i dkyil 'khor yongs su rdzogs pa shar ba cig rmi lam du byung / der bzhugs ring la slob dpon ye rgyal bas 'tsho ba'ang sbyar/ chos kyang legs par gsungs pas bla ma rnams kyi nang nas re re la sku drin che/ theg pa