[B:6b] ma khyer shog gsungs pas legs par sprad/ slob dpon bsam bzang pa de slob dpon bsam yas pa'i gra pa yin pa la dus phyis slob dpon ston shAka pa'i gra tshang du 'phos nas sa sor song pa la gra pa rnying pa kha cig gis phyogs gcig tu sdeb par zhus nas slob dpon pa dang / bla ma rkyang chen pa gra pa bsre bar byas te/ nged gsum rkyang chen pa la sprad pa yin/ de phyis nga la dus 'khor yong ba de'i rten 'brel du song 'dug gra tshang ni 'drer ma nyan gsung / chos sdings dgon pa na bla ma sang rin pa zhes bya ba spo bo yon tan seng ge dang [A:14]slob dpon ston shAka pa'i gra pa sgres po phyag chen dang gcod yul dang sbyor drug dang rdzogs chen la sogs pa'i khrid mang du sku nyams su bzhes pa'i rnal 'byor gyi dbang phyug chen po cig bzhugs pa de la bla ma'i rnal 'byor cig gsan pas khong gi gsung nas/ slob dpon gzhon nu dpal/ mya ngan las 'das pa'i mtha' la mi gnas/ yang dag pa nyid kyi mtha' la gnas pa zhes bya ba de ci la zer ba gsung ste/ de dus nga la de'i lan zhu thub pa tsam med gsung / chu mig dgon gsar na jo ston mkhan chen byang chub rgyal dbang ba bzhugs pa'i sku mdun du slob dpon bsam bzang pa'i phyags phyir phebs nas phag mo dmar mo'i rjes gnang gsan/ slob dpon pas khrid zhu ba'i snyan bzhugs phul bas zhal gyis bzhes/ de nas zhag kha yar cig song ba dang jo ston cig btang byung nas khrid la 'byon na da lta rang byon/ de nas nged la long mi yong par 'dug gsung ba byung yang slob dpon pas ma byon pas zla ba gcig na mkhan chen pa gshegs gsung / res 'ga' spyan g.yas su bzhugs nas spyod 'jug kyang gsan/ dgung lo bco brgyad bzhes pa
1409lo
glang lo'i ston jo stan ston shAka pa dpon slob bcu gnyis tsam mdzad nas snye mor chos bar la phebs pa'i phyags phyir ru mtshams su phebs/ de'i dgun de slob dpon bsam bzang pas