[B:9a] pa'i phyags phyir phebs nas chos rje shAkya bzang po ba la skyes mchog pa'i ka dag gsal ba dang bcom ldan rigs ral gyis mdzad pa'i skyes rabs gsan/ thugs la btags gsung nas chos rje'i mdzad spyod/ gra pa'i mdzad spyod/ gzims khang gi longs spyod skyong lugs sogs legs par gsung / de [A:22]rting thang sag tu slob dpon ye rgyal ba mjal du phebs te/ glang thang gi 'og gi ngan chu'i 'gram du rab gar yod ma dgongs par dum gcig bzhugs pa mnal du song rtsa na chu sho sho zer nas thad de nyid na tshur rta pa cig byung ba'i rab brgal te thang sag tu byon nas mjal rjes/ lha sar jo mjal du phebs pa'i dus su/ btsun rgan ma gos hral mo mkha' 'gro ma yin zer ba la/ mkha' 'gro ma yin nam ma yin rtog pa'i brdar spyan gyis de la ma gzigs par se gol mdzad pas/ mos kyang lan gyi se gol byas byung gsung / yar klungs su slar phebs pa na/ chos rje de bzhin gshegs pa'i sgar mdo mkhar gyi na khar bzhugs pa la mjal?'jal du phebs/ thugs rje chen po'i bsgom bzlas gnang gi 'dug pa gsan/ khri'u mthon po dpe med pa'i gzhogs su khri'u chung ches dma' ba zhabs stegs su 'dug ste/ mtho ba de lagom pa dos slebs pa med dam snyam na'ang / de la ji tsug byas phebs pa yin nam bsam pa la bzhugs snang ba/ rdzu 'phrul du 'dug gsung / byang chub sems dpa' yon tan blo gros pa yang de na phebs 'dug pas rnam rgyal gyi bstod pa dang glang ri thang pa'i tshig brgyad ma gnyis gsan/ de res chos rje de bzhin gshegs pa rtses thang du phebs nas tshogs su byang chub mchog tu thugs bskyed pa dang / nA ro chos drug bsdus pa dang / 'jam dbyangs kyi sgrub thabs dang / tshe dpag tu med pa'i mdo rnams gsan/ ma Ni grangs bcad kyi dam bca' phul/ chos rje de nyid sku mdzes shing dwangs pa khrom che ba dang ca co la'ang thugs mi yengs shing / bsngo yig g.yas g.yon gnyis ka nas 'bul ba la ched du mi gzigs