[B:14a] lam mchog mchims kyi gnas brtan chen mo/ bslab btus/ skye rabs ched du brjod pa'i tshoms/ byang sa/ mdo sde rgyan 'grel pa dang bcas pa rnams gsan/ thugs la legs par btags/ sgrub srangs shes bya ba'i gdams pa khyad par can cig bzhugs zer bas gnang ba'i zhu ba phul bas 'dir mi 'ong gsung nas ma gnang / phyis su song dus grub chen man lung pa'i gdams par 'dug gsung / bstan 'gyur bzhugs pa'i 'jam lha khang du gzhi phab nas/ bstan 'gyur po ti gnyis gsum re g.yar nas gzigs/ tshar ba dang de btad nas yang g.yar te/ gzigs rtog mang du mdzad pas/ bstan 'gyur gyi gzigs rgya thams cad de nas byung ba yin/ de nas slob dpon sgra pa la chos rje rong chen pa'i spyan 'dren byung nas la stod du phebs pa'i skyel thung la shab chu kha bar phebs/ de'i zhar la khro phur byon nas byams pa mjal/ de rjes ston ma dbyar du song dus dbon po shes 'byung bya ba la dus 'khor rgyud 'grel g.yar nas byang chen du bzhugs te gtso bor dus kyi 'khor lo la thugs sbyangs pas de [A:34]nas legs par dgongs te thugs su byon/ dus 'khor de nas shes par byas pa yin gsung / der bzhugs ring la spyir byang chen de na skyes bu dam pa mang du bzhugs/ khyad par chos rje rnam gsum zhes bya ba/ chos rje ston dge ba/ a mo ba/ grub chen bsod blo ba rnams bzhugs pa'i chos rje bsod blo ba'i drung du mjal/ mdo sde rgyan 'grel pa dang bcas pa dang / dbus mtha' 'grel pa dang bcas pa/ chos nyid rnam 'byed 'grel pa dang bcas pa rnams gsan/ khong gi gzims khang na rked bris la lan tsha 'dug pa rnams la 'di rnams ci zer ba yin gsung bas/ thams cad bklags nas sgra'i bshad pa dang 'gyur mdzad pas legs par thugs dgyes nas zang zang mang po mdzad cing bstod ra mang du gnang gsung / khong la khrid gsan nam zhus pas khong dang po mtshan nyid kyi chos skad chags bde ba cig la skyur nas bsgom la zhugs/ khyad par mkhas grub lha