[B:16b] 'dams chog gam gsungs pas 'o na phor pa rang khyer zer bas/ las 'brel gang yod cig shog dgongs nas po ti gcig 'then pas zhi byed skam lugs kyi skabs dang gi gdams pa cig byung gsung / de nas snar thang du bzhud pa'i lam stag la'i rgyab na tshur phebs ba'i tshe/ chos rje rong ston smra ba'i seng ge chen po dpon slob rnams kyang la stod lho byang nas/ phyir dbus phyogs su 'byon pa dang lhan du 'dzom byung / chos rje khong rang chibs pa cig la chibs pa'i 'phral du phebs/ gang nas yin gsung ba'i dri rtog mang du mdzad cing 'dug pa lo rgyus mang du zhus pas zhal kyal shin du 'phel bar byung / khong rang chibs pa'i srab mda' bzung ba des kha lo mi mdzad par g.yas g.yon du kyog dgos dus/ phyag gi khu tshur rta'i 'gram pa la brdeg rta lcags gis mi bskul bar khu tshur gyis bskul 'dug pas mdzad lugs la nyams dga' zhing mos par yang byung gsung / de nas phag lo'i dgun du song ba'i tshe don gtan nas med par dbus su phebs snying shin tu 'dod par byung bas phyag dpe mang du yod pa rnams snar thang la sogs su bzhag ste/ chos rje rong po'i phyags phyir byon pas khong dpon slob rnams rin dpungs [A:40]pas chos bar bteg nas rong du kyog po dgon par bzhugs/ der chos rje rong po la phyag dang chos 'brel yang mdzad/ phyags phyir bzhugs nas/ phar phyin rtsa shes dbu ma'i bsdus pa chos rje rang gis mdzad pa spyod 'jug rnams gsan/ de nas g.yung pas spyan drangs nas dben dmar du phebs ba'i phyags phyir yang byon/ dben dmar gyi bla ma cig gshegs pa'i gdung lo dus su sbyangs pa'i tshe chos lung mkhan chen bsod rin pa spyan drangs 'dug chos rje rong po ba dpon slob kyang spyan drangs pa'i gral du mkhan chen bsod rin pa de 'bri gung dpal 'dzin gyi grogs mched du 'dug pas/ 'phros gtam gyi zhor la/ rnying ma la zhal mang du gtong zhing 'dug khyad par gsang snying na/ tsheg ni shes rab ming du smra/ zer ba yod/ rgya gar yi ge la tsheg mi yod/ des kyang rgya gar ma min par grub zer bas/ gzhan sus kyang lan mi gsung pa la/ de'i