[B:18b] pas thugs ngang rgyud bzang / sku drung na yun du bsdad pa dag gis kyang thugs khros pa mthong ma myong ba yin/ mi shi nas med na ma gtogs da ltar ba'i mi'i skyon brjod gtan nas mi mdzad gsung nas gus pa chen po mdzad pa yin no/ dgung lo nyi shu rtsa dgu bzhes pa byi ba lo'i
1420lo
dpyid/ rtses thang nas slob dpon bsam bzang pa dpon slob gnyal du khra pa mkhan pos chos bar la spyan drangs pa'i phyag phyir phebs nas slob dpon pas tshad ma rnam 'grel gsungs pa rdzogs par gsan/ lte'u ra pa chos rje ye shes dpal bzang pa la gsang 'dus chag lugs gsan par bzhed nas phebs pas khong gi mjal kha ma byung / kha cig na re/ khong la jo mo cig yod pas des thugs zhum pa yin zer/ nga la jo mo yod med la khyad med pa yin te gsung / de dus gdan sa na drung bsam pa bzhugs 'dug pas/ grub chen pa nas brgyud pa'i dug sngags shig gsan/ gser phye kha'i mchodarten mjal du bzhud nas zhag gsum tsam skor ba mdzad/ de res mched grogs thams cad dngos po sgrub cing 'dug ngas ni dpe cha kho na sgrub pas bong rgyab cig byung ba spyan drangs yongs/ khong tsho dang zhe 'dod so sor song bas lan pa yin gsung / 'jam dbyangs kyi bstod pa gang blo'i 'grel ba zhig kyang brtsams/ de'i dbyar spyan g.yas su bzhugs nas dus [A:45]'khor gsungs/ dbyar mjug rdo rje 'dzin pa bkra shis bzang po bas rdo thog tu spyan drangs nas bla mar bzung / der khong la phur pa lha nag dang / gsang ldan gyi dbang / phur pa rtsa thung gi bshad 'bum rdo rje don gsal rnam dgaspar khab kyi 'grel ba dpal ldan rdo rje rgyal mtshan gyis mdzad pa rnams gsan/ gsang snying la bod Tika mang du 'dug na'ang 'grel bshad 'di las ma gzigs gsung / yang dag me gcig gi dbang la dbang bzhi ka tshang ma yod pa cig gnang / khong gis gnas rnying gi mkhan po rin chen rgyal mtshan la gsan par 'dug gsung / gzhan yang khong la gu ru drag po'i dbang dang sgrub skor mang du bzhugs 'dug pa rnams kyang zhus/ de'i ston kun bzang rdzong zhes bya ba'i ri khrod du bzhugs nas gshin rje gshed la thugs dam du mdzad pas/ thugs kyi nges shes la byin brlabs gnas de nyid du yang