[B:1b]1 mchod par brjod pa dang mtshams sbyor ba/
thugs rje mtshungs pa med pa'i bla ma dang sangs rgyas dang byang chub sems dpa' thams cad la gus pa chen pos phyag 'tshal lo/ sngon gyi bskal pa mang por rlabs chen tshogs gnyis spyod pa du ma spyad pa las/ sku tshe 'dir yang gzhon nu nyid nas byang chub sems dpa'i rigs kyi rtags rnams dang / skye bas thob pa'i mkhyen rab phul byung ldog pa med pa'i brtson 'grus phun tshogs pas/ snyigs ma'i dus su thub dbang bstan pa yongs su rdzogs pa'i dpal mnga' la phyag 'tshal/ gang gi mkhyen pas gsung rab dgongs 'grel dang bcas phyogs 'dir bzhugs rnams kun mkhyen nas/ gzhan la brtse bas legs bshad mtha' dag dpe 'khyud med par brtse ba'i dgongs pas rjes su ston/ rgyal ba'i 'phrin las 'phel ba la dgyes mdo sngags brtsom pa'i 'phrin las rmad du byung / mchog gi bla ma lung rtogs yon tan khur gyis lci bas bla ma'i bla mar 'dud/ rje btsun rnam thar bsam gyis mi khyab pa'i/ rin chen ljon pa mdor bstan yal ga [A:2]rnams/ rgyal bshad 'dab ma 'bras bzang du mas mdzes/ dad mos sa chen spo las mngon par 'khrungs/ de yang bdag cag gis yongs su 'dzin pa chen po de ni/ sku'i skye ba snga ma mang por rlabs che'i spyod pa rab tu spyad pa/ sku'i skye ba 'dir yang kha na ma tho ba med pa'i rigs su 'khrungs pa/ rgyal ba rnams kyi rjes su zhugs pa yongs su rdzogs pa/ sngon gyi dge ba'i