[B:2a] bag chags bzang pos rigs sad pa'i skyes bu chen po/ mkhas shing grub pa'i skyes bu drug bcu rtsa drug la brten nas thos bsam phyogs med du mdzad pa/ rnam par dag pa'i dam tshig la nan tan du mdzad pas bla ma rnams kyis byin gyis brlabs pa/ bsams pa las byung ba'i shes rab kyi klong phyogs med du brdol ba/ yon tan thams cad la gong nas gong du 'gyur legs par thon pa/ mtho dman gyi skye bo thams cad la sngon ji lta ba bzhin du 'grogs pa'i gzhung bzang ba/ mched grogs dang slob ma dang 'khor dang nye phyogs su bzod pa'i go cha sra ba/ chos zab mo la bzod pa rab tu thob pa/ pha rol tu phyin pa dang gsang sngags kyi phyogs la po ti 'di tsam zhig mkhyen pa yin zer ba'i tshad sus kyang bzung bar mi nus pa/ spobs pa'i mtha' gang la'ang gtugs pa med pa/ bas mtha'i gnas rnams su bzhugs te zab pa dang rgya che ba'i chos kyi 'khor lo rab tu skor nas gdul bya yongs su smin par mdzad pa/ 'jig rten gyi gtam sna tshogs la gtso bor ma mdzad par dam pa'i chos kyi 'brel ba'i gtam kho nas dus 'da' bar mdzad pa/ dge ba'i gshes gnyen su la'ang phrag mi dog par yang dag pa'i bstod pa mdzad pa/ dman pa rnams la 'ang brnyas par mi mdzad pa/ sku'i spyod pa rnams shin du gtsang ba/ mdzad spyod thams cad mtha' gnyis dang [A:3]bral bar spyod pa/ 'jig rten gyi rnam g.yeng thams cad je chung je chung la btang nas bya bral gyi brtul zhugs je bzang je bzang du gtong ba/ bsam gyis mi khyab pa'i mkhyen pa mnga' yang tha mal pa ltar mdzad pa/ gdul bar bya ba ji snyed pa'i rgyud dam pa'i chos dang ci 'byor du sbyor ba/ snyan pa'i grags pas phyogs kun du khyab pas che dgu thams cad kyis zhabs kyi padmar phyag byas pa/ mi mthun?'thun pa'i phyogs thams cad sgyu ma lta bu dang rjes su 'thun pa'i ting nge 'dzin gyis bzlog par nus pa/ spyir snyigs ma'i dus 'dir sangs rgyas kyi bstan pa la bya ba rgya chen po dang / bye brag tu 'gyur dang yig 'jog mang du gnang bas bstanapa gsal bar mdzad pa/ zab pa dang rgya che ba'i gsung gi rgyun thams cad skyes bu chen po