[B:20a] la rjes thob dang de ma yin pa'i shes pa la rjes shes zer ba yin la che zhus pas/ de kha bzhin yin pa'i 'thun 'gyur yang gnang / rab brtan gling na mkhan chen rgyal bzang pa bzhugs 'dug pas phyag 'bul du phebs nas sbyor drug bsdus pa cig kyang gsan/ kun mkhyen pa bde gshegs snying po gang la bzhed pa 'dug gsung / [A:48]rnam kun mchog ldan la bzhed pa 'dra zhus pas/ kun mkhyen shangs pa'i bzhed dris pa yin gsung / med dgag la bzhed par 'dug lags zhus pas/ nim pa'i shing las rgun 'brum min te/ zer ba rnams thon par 'dug gam gsung / legs par bton pas/ stong pa las ni myang 'das bde ba zer ba'i stong pa de med dgag la zer ba yin gsung / 'di kha nas bde gshegs snying po de gang la bzhed zhus pas/ de bzhin nyid la byed gsung / de bzhin nyid de kha ngos gang la 'dzin zhus pas/ bum pa rang bzhin med pa la byed gsung / de kha med dgag ma lags sam zhus pas ci yang bka' mi gnang / de nyin gsung bar mi bzhed pa dang thug pa yin/ rgyud bla'i 'grel ba na/ rgyas par bkod tshar 'dug pas med dgag la mi bzhed par 'dug gsung / de nas dgung lo sum bcu rtsa gsum bzhes pa shing pho 'brug
1424lo
gi dpyid rkyang chen du phebs nas slar yang dus 'khor rgyud 'grel gyi dka' ba'i gnas rnams la dri gtug gis legs par gtan la 'bebs par zhus pas/ rkyang chen pa thugs spros pa chung ba'i stobs kyis yongs su rdzogs par ni ma song / rkyang chen pa lugs bstod na bla ma dbon pa zhes bya ba cig bzhugs pa mjal du phebs gsung bas de'i phyag phyir phebs nas dbon pa la gza'i skor rnams zhus pas/ bsgom bzlas cig gnang nas me phar phus pas sma ra tshur tshig yong ba yin no gsung nas rjes gnang ni gnang ma byung / khong kun mkhyen tshul blo'i dbon por 'dug gsung / de nas dpon slob kha yar cig mdzad nas chos rje rong chen pa skyid smad snye phu bshug bseb na bzhugs pa'i sku mdun du phebs/ spyi chos gang gsung rnams dang /