[B:27b] bod skad mi shes par bod kyi brda' dag bslabs pa dang 'dra bar 'dug pas skad dod mi mkhyen na dgongs pa chung bar dgongs nas sgra'i sa ris rnams la nan chags chen po ma gnang / phyis paN chen rin po che dang mjal nas skad dod rnams legs par dgongs pa'i tshe sgra'i sa ris bor ba de shin du gnod par byung gsung / paN chen rin po che'i drung du rdo rje phreng ba'i dbang yongs su rdzogs pa/ bde mchog dang kye rdor gyi sgos bka'/ gra lnga dang / mi g.yo bla med kyi dbang / phag mo zhal gnyis ma dang don grub ma/ sgrol ma drag mo'i rjes gnang / dpal dus kyi 'khor [A:65]lo'i dbang / dbang mdor bstan 'grel pa dang bcas pa/ dpyid thig 'grel pa/ man ngag snye ma/ phreng ba skor gsum/ dpe med mtsho'i sbyor drug de'i 'grel pa/ nyi ma dpal ye shes kyi mtshan brjod 'grel pa/ mi g.yo bla med kyi rgyud la sogs pa gsan/ paN chen rin po che'i zhal nas ngas dzambu'i gling gi sum gnyis tsam du phyin pa la panDi ta chen po mi'i nyi ma shes rab che bar mthong / de'i 'og na ku mA ra shrI las shes rab che ba ma mthong zhes gsung ba yin yang zer/ paN chen rin po che phebs pa'i tshe dgyer pa'i gru khar skyel thung la phebs/ byi ba'i lo nas sbrul lo'i bar du gong gi thugs kyis legs par bzung bas sne'u gdong rtser sku mdun du bzhugs nas/ dge ba'i bshes gnyen rnams dang / 'bel gtam kho nas dus 'da' ba mdzad/ res rtses thang du bzhugs nas chos mang du gsungs kyang / phal cher sne'u gdong du phebs dgos pas dang po rgya dur du tshud nas ci thon byas pas byung te/ 'dir rgyun tu sku mdun kho nar sdod dgos pa 'di yang mdun ma'i phugs bzang po cig mi 'dug bsam nas mdun ma bsgyur 'dod chen po byung ba yin gsung / de nas dwags po phyogs