[B:27a] 'on kyang da dung gzhi med du ma dwangs nas rang nyid kyi thugs las byon pa'i man ngag nyams su bzhes pas snang ba la'ang khrog zer ba 'dra zhig byung / de nas gzhi med par phan song gsung / de rjes paN chen nags kyi rin po che slar yang bod du phebs te rtses thang du dge ba'i bshes gnyen mang po la rnal 'byor yan lag drug pa'i khrid gnang ba gsan zhing / mi g.yo bla med kyi dbang yang zhus/ 'brug lo'i dbyar paN chen rin po che bsam yas mchims phur bzhud pa'i phyag phyir phebs nas bzhugs te dbang mdor bstan pa'i 'grel pa sA dhu pu tas mdzad [A:64]pa'i 'gyur mdzad/ bla ma dpal 'byor bas zhus nas dpal mngon par rtogs pa gsungs pa yang gsan/ nyin cig gla ba gcig nags gseb na 'dug pas ka stu ra zhus pas paN chen gyis gang na gang na gsung nas mgyogs par bzhengs byon te legs par gzigs shing 'dug gsung / der yang dri ba dang 'bel gtam mang du zhus/ de nas paN chen dpon g.yog lhan du rgyal bzang du phebs pa'i phyags phyi mdzad de rjes sku grib la rten nas sku khams shin tu snyung ba yun ring bar byung / nub cig mnal lam du 'on gyi dpal ri 'dra ba zhig gi glo na mi mang po 'dug de rnams kyi khrod na mar phebs pas phyag na mi mgo cig 'dug pa la ci yin dgongs pa'i tshe sku rgyab nas grib gzugs 'dra ba zhig na re/ 'di khyed rang la gnod pa de'i mgor 'dug zer/ legs par gzigs pas ban de'i mgo rgyungs pa tsa ra ba zhig 'dug pa rmis/ de nas dwangs pa'i mgo tshugs pa yin gsung / de rjes chos rje paN chen rin po che sne'u gdong du bzhugs pa'i zhabs phyir yang yun ring bar bzhugs nas 'gyur mang du mdzad/ dang po sgra'i sa ris btang nas bsams pas