[B:32a] sgrub kyi nyams khrid legs par gsan pas srog 'dzin yan zla seng ba'i lugs gnang / de rjes lo rgyus rin chen phreng ba/ mkhas btsun pa/ snye mo ga pa/ zla seng ba rnams kyis mdzad pa'i rnam thar gsum/ bsnyen sgrub kyi ngo sprod/ rnam bshad/ gegs sel snyan rgyud ma/ 'khrul 'khor bcu bdun/ rdo rje mthong rdol/ ha 'don khrid yig gi zhal shes rnams zla seng bas sgrigs pa grags byang gi zhus lan/ rgyal sde snyan rgyud chung ba/ ltag 'then/ rgyal sde snyan rgyud che ba/ gces phrug brgyad bcu/ de'i lde mig yang de'i lde mig bsod nams rgyal mtshan pas mdzad pa/ rnam rtog yul la mi 'jug pa'i zur bkol/ 'pho ba tshigs bcad ma/ rdo rje pha lam dbyug pa'i man ngag gegs sel thor bu ba/ rtogs ldan bsam rin gyi zhu lan/ ston pa sangs rgyas dpal gyi zhu lan/ mkhas btsun pa'i rnam bshad chen mo/ kun mkhyen gangs pa'i khrid yig gsol 'debs/ rigs bzhi mkha' 'gro'i zhal gdams/ tshe sgrub bka' rgya ma/ 'pho ba gser srang ma/ kun mkhyen gangs pa'i gsol 'debs/ rigs drug sa bon bsreg tshul/ thugs rdo rje'i man ngag 'chi med rtsal sbyong bdun ma/ dngul chu'i gdams pa/ gegs sel sman dpyad ma rje rang byung pas mdzad pa/ rlung sbyor gnad kyi lde migabasnyen sgrub kyi che ba la sogs pa sher mgon pa'i zin bris rnams gsan/ gzhan yang tshogs chos rin chen phreng ba/ rin chen sgron me/ gces phreng / dung phreng / bai Durya'i phreng ba/ rin po che'i gter chen/ man ngag gi snye ma/ drug gsum bco brgyad ma/ shel phreng / rin chen snye ma/ me tog phreng ba/ mgur 'bum chung ba rnams kyi lung yang legs par gsan/ rgod phrug chos rjes [A:76]bu slob chen po rnams la gzhan don 'di ltar 'ong gi lung bstan mang du gnang / bdag la yang rdo rje gsum gyi bsnyen sgrub bstan na/ gzhan la phan par 'gyur zhes pa'i lung bstan gnang byung yang / gzhan la 'chad pa ni cung ma grub gsung /