[B:36a] pa'i sku mdun du mjal/ dpon slob thams cad la sna len bzang po'ang bshams/ paN chen gyis mdzad pa'i sha ba ri'i bstod pa yang bsgyur/ de nas la stod byang du lo tsA ba manydzu shri ma phebs kyi bar du paN chen chos gsung ba dang dbang bskur ba la sogs pa'i lo tsA yang mdzad/ la stod lhor bdag po lha btsan skyab pas skyel thung la rgyang ring por phebs/ yon mchod 'gyes khar khong gis thugs la legs par btags pa'i stobs kyis spyan chab mang du byon/ de nas la stod byang gi ngam ring du yun [A:84]ring por bzhugs/ mi'i bdag po rnam rgyal grags pa zhes bya ba'i skyes bu chen po gsung rab thams cad la thogs pa med pa'i spyan can yab sras pas/ paN chen rin po che la thugs dad pa'i stobs kyis zhabs tog phun sum tshogs par mdzad/ sgos kyi khong gis sku mdun du sngags mtshan nyid rtsis sgra 'jig rten snga rabs pa'i lugs gnyis kyi lo rgyus la sogs pa'i chos sgo mtha' dag la dri ba mang du mdzad pa rnams la lan thogs med du btab pas mi'i bdag po gsung rab kyi spyan can de yang thugs rab tu dgyes/ rab 'byams pa zer ba yang mang po yong bar 'dug ste/ rab 'byams pa rang de mkhan chen par 'dug gsung ba la sogs pa'i gsung gi bstod pa chen po'ang mdzad/ bzhugs stan la sogs pa'i bkur cha che bar mdzad/ 'phral gyi longs spyod rnams kyang lhugs par btang ba yin no/ mkhan chen pa'i 'phral gyi gsung rnams yi ger btab na chos 'byung chen po cig 'ong bar 'dug gsung / yang nyin cig gang zag de btsun chen rang lags zhus pas/ khyed gzigs rgya che yang btsun chen zer ba'i tha snyad de rang gang