[B:39a] shog rten bcas gnang ba/ nyang kha'i stag rtser yod thog phebs pa'i zhu lan/ lo sar nas bka' bkod ji ltar gnang ba bzhin sleb pa byed ces phul ba 'byor ba'i tshe/ chos kyi rgyal po spyan snga rin po che dag gi dbang phyug grags pa phyogs thams cad las rnam par rgyal ba'i lha'i drung du snyan bskul bka' bgro ba gnang ste/ 'ol kha ba sogs sbyin bdag gra slob mtha' dag la bka' lung stsal bas/ thams cad kyang spro ba 'phel bar mdzad/ mngon par dga' ba'i chos rdzong nas/ tshong dus yangs pa can gyi pho brang du 'do li'i steng du bzhugs pa spyan drangs/ chos rje rin po che nam pa dang / chos rje rin po che lo chen rnam pa gnyis la sogs pa'i dge ba'i bshes gnyen chen po rnams dang / chos kyi 'bel gtam gyis dus 'da' ba las zla ba gcig song rjes/ bdag 'ol khar sleb pa'i dus/ slob dpon nam mkha' dpal 'byor la ja 'dren gnang sbyin dang bka' yig bstod bsngags chen po gnang / de nas me pho spre'u'i lo zla ba gnyis pa'i tshes [A:91]bdun gyi nyin/ sku mdun du bdag gis sleb pa la bkur sti rgya chen po dang / gser zho brgya la sogs pa'i gnang sbyin sna len mdzad de/ chos 'bul dgos pa'i bka' lung phebs pas/ rten 'brel kyi sgor 'gyur ba'i dgongs pa dang du blangs te/ dpal mkha' spyod dbang po'i yig cha'i steng nas gsang 'dus rim lnga dang / phyag chen lhan cig skyes sbyor/ rlung sems gnyis med rnams kyi khrid/ chos rje rang byung rdo rje'i bka' 'bum nas 'brel pa bzhi ldan sogs kyi lung / chos skyong ber nag can gyi dbang bzhi rdzogs phul zhing / me mo bya'i ston mjug phag mo lha lnga'i dbang / bde mchog mkha' 'gro rgya mtsho'i dbang yongs su rdzogs pa/ sa pho khyi'i ston bde mchog mkha' 'gro rgya mtsho'i rgyud 'grel pa gru brdzings dang bcas pa/ rin chen sna bdun las rin chen sna lnga/ dpal mkha' spyod pas mdzad pa'i snying thig gi skor la sogs pa'i lung kyang phul lo/ de ltar bla ma du ma la chos kyi rnam grangs mang du gsan yang / thos pas mi ngoms pa nyid kyi dgongs pa mnga' bas zhal nas/ nga thos rgya de