[B:44a] zad ma bde ba yud kyis dwangs so/ gzhan yang phag lo zla ba gnyis pa'i tshes bcu'i srod/ dpon sa kun dga' legs pas rgyu med par thugs khrel mdzad de/ nga'i lung 'gro sar ma sdod/ sang nam seng tshun la skyas tshar bar gyis/ de ltar mi byed na dpung khrid 'ong zer ba'i bka' lung drag po bsgyur byung bas/ phyags phyir yong pa thams cad sems 'tshabs pa'i tshe/ cung zad kyi bar duci yang mi gsung / thugs la 'tshub cha gtan med par bzhugs zhus gnang sgrub pa'i rtsol ba ma gnang na'ang gnod 'tshe gang yang ma byung / phyis de'i 'phros zhus pa na/ ngas dkon mchog la gsol ba btab pas gnod pa ma byung zhes gsung te/ ting nge 'dzin gyi mthus gong ma'i thugs rgyal zhi bar gyur pa dang/ rtses thang du mchod rten chen mo bzhengs tshul 'og tu rgyas par 'byung ba bzhin/ bum pa man gyi rtsig pa grub pa'i 'tshams su/ bum pa la gas chen po drug bdun byung bas/ las mi rnams sgyid lug tu nye ba na/ zhag gsum [A:104]song ba'i rjes la / de ring ngas bltas pas mchod rten sngar las kha dog bzang bar mthong / bar chad sol bas da ni 'jigs mi dgos zhes gsung / gas pa rnams rang shugs kyis 'grig nas las kyi 'phro byas chog pa byung ba'ang thugs dam gyi mthu kho nar snang ngo / yos lo la nang cig bzhengs pa'i skabs su sku bsngabs byung ba'i rkyen gyis snyung zhing zhabs kyis phebs mi thub pa rgyun ring byung ba na/ sku 'khor nyung 'dus tsam las gzhan rnams ji ltar rigs pa'i so so'i bya ba skyong ba'i bka' gnang nas brdzangs/ sku mtshams dam par bsdams shing thugs dam mdzad pas mnal lam du na kha dang bra ma thag thug dang / gzhan 'di yin mi gsal ba'i nag nog mang du 'dug pa rnams la/ lta ba legs par bskyangs shing bsgoms pas de thams cad na bun bzhin du yal 'gro ba byung ba'i mod la bzhengs pa dang bzhud thub par gyur kyang / zhabs ji ltar bde ba bzhin du/ spyan 'grib ba'i rnam pa je cher song mod kyi/ stong gzugs kyi yul snang rgya chen po spyan 'byed