[B:44b] 'dzum gang gis kyang mi gnod pa byung bas/ mi gzigs pa'i nag tham gyi gu dogs pa med pa la sogs pa mi mthun phyogs zhi bar mdzad lugs mang du mchis pa las/ 'dir phyogs tsam brjod pa yin no/
19 spyir snyigs ma'i dus 'dir sangs rgyas kyis bstan pa la bya ba rgya chen po dang / bye brag du 'gyur dang yig 'jog mang du gnang bas bstan pa gsal bar mdzad pa zhes pa ni/
sku na phra mo la rab tu byung zhing bsnyen par rdzogs pa nas bzung ste/ ji srid 'tsho zhing bzhes pa'i bar lo bdun bcu tsam gyi bar du/ klog pa thos bsam dang / spong ba bsam gtan [A:105]gyis dus 'da' bar mdzad pa yang / sangs rgyas kyi bstan pa 'phel rgyas kho na'i ched du yin la/ phyogs gang du bstan pa dar ba'i 'chad nyan/ bslab tshugs/ sgom gra yod tshul gsan pa'i tshe/ gnas dang khang zag la dgyes spro'i bstod bsngags du ma gnang ba dang / dbus gtsang khang nye'i bstan 'dzin che phra mtha' dag la dngos su mjal ba'am/ ma 'jal yang gsung shog snyan pa rten bcas bskur te/ bstan pa spel ba'i spro ba bskyang par mdzad cing / zhal slob dge bshes rnams la rtag tu/ sangs rgyas kyi bstan pa lo re bzhin 'grib pa la sems khral med pa'i btsun pa la bla ma dang slob dpon sogs ming chen po btags pa zhes dang / bstan pa la gang phan byas pa'i phan yon bsam gyis mi khyab pa gsungs nas gzengs bstod do/ mdo sngags kyi rgya 'grel dpe phyi dkon pa las po ti mang du bzhengs te tshig don gyi zhus dag nan chags grub pa dang / bstan 'gyur du ma chug pa'i bstan bcos mang po thugs rtsol gyis mthus phyag tu bab pa rnams/ 'phyong rgyas stag rtse'i bstan 'gyur du 'jug pa gnang ba las kyang mched pa ci rigs su byung ngo / dgung lo don bdun bzhes pa phag lo'i
1467lo
dgun/ chos kyi rje rin po che nam mkha' blo gros pa'i zhal snga nas/ nged tshos sku mdun gyi thugs dam mchod rten rtses thang du bzhugs pa'i nang na che ba e 'grub byed pa zhu zhes pa la/ nga la de'i blo rgya dang shes 'dod med na'ang / da khyed kyis thugs khur mdzad phyin/ nas khal brgya dang shar khang gi gzims spyil 'bul bas cha rkyen la gtong ba mdzod/ de rjes kyang mchod rten