[B:46b] las phun sum tshogs pa dang ldan pa zhes pa ni/
skar rtsis la dus 'khor rgyud 'grel gyi dgongs pa ji lta ba bzhin ma longs te/ bod kyi mkhas pa snga phyi mang po yang nyung ngu'i byed rtsis sangs rgyas pa rang lugs su 'khrul pa'i dbang gis grub mtha'i rtsis ngos ma zin par/ 'das lo'i grangs dang nyi ldog ma dag cing bod kyi rgyal khrims zhig rjes zla ba'i ngos 'dzin 'chugs pasogs ma 'khrul ba dgongs nas rtsis la 'khrul sel brtsams pas/ dbus gtsang khams gsum gyi bla ma dge ba'i bshes gnyen dang sde dpon rtsis lugs mkhyen pa rnams dang grong gi rtsis pa yan chad kyis yid la dogs pa shar nas/ la las bzhed pa de 'gog pa'i lugs dang gzhan dag de'i lugs 'thad par bzung ste gtam chen por gyur zhing / chos 'byung lo [A:110]rgyus snga phyir brtsams pa rnams las/ deb gter sngon po sogs mthong thos yod pa'i tshogs kyis de nyid rjes su zlos shing gleng bar byed pa dang / sngags mtshan nyid kyi grub mtha' mang du bzhag pa che long tsam la dpyod mkhan thor bu snang ba'ang / rje btsun 'di'i 'phrin las su blo ldan rnams kyis go bar byos shig
21 gsol ba ji ltar btab pa bzhin yun du bzhugs par bzhed pa'i thugs rje chen po mnga' ba zhes pa ni/
dgung lo bdun bcu rtsa drug pa la khu bo rnam pa gnyis kyang gshegs pas de'i sri 'byung ngam dgongs nas khyi lo'i dgun rtses thang du phebs te bzhugs pas/ phag lo la sku khams shin du snyung bar byung bas spong dag gnang nas/ thugs kyi 'dun pa ma dor bas sku tshe yun ring du bsring thub cing / dgung lo brgyad bcu gya gsum bzhes pa shing pho rta'i
1474lo
zla ba brgyad pa la chos rdzong du phyags phab/ zla ba dgu pa'i tshes bcu bdun tsa na sku grib kyis rkyen byas nas sku khams shin du snyung / chab rnams kyang du ba'i kha dog tu 'byin zhing nyin mtshan gyi bye brag kyang dgongs par dka' ba snyam byed pa'i skabs su/ sku rim mang du byas na'ang snyung ba la/ nub cig khang pa gcig gi nang na btsun pa mang du 'dus nas 'dug pa rnams kyi khrod nas gcig na re/ 'dir dgra bcom pa mang pos kyang sngar 'gog pa la zhugs pa yin/