[A:96]re na sgo dpe bzhi srung mi yod pa/ rtse mkhar la bya ra ba mi lnga re rgyun du yod pa/ de'i lho ngos lcags ri'i nang na/ pho brang sog po mkhar bya ba dgu thog dang / rgyal po'i rtse mkhar mnyam pa/ de gnyis lcags thag gis sbrel nas/ dngul zam la rgyu ba/ mkhar dang lcags ri rnams la mda' yab dang / sgo chung dang / rnga yab dang / pha gu dang / kha bad dang / rta babs rin po che'i dril bu er kha/ mu tig gi dra ba dra phyed rnams kyi brgyan pa/ pha rol gyi dpung gis mi tshugs pa zhig bzhengs so/ /der rting yang blon po mgar dang / thon mis 'go byas/ rta pa brgya la gser gyi dong rtse brgya/ gser phye bre phyed/ rin po che'i gos gcig rnams bskur nas/ shar rgya nag po'i lha gcig slong ba la brdzangs so/ khong rnams kyi rgya'i bkra shis khri sgor slebs/ thang tha'i dzung rgyal por zhus pas/ de'i sras rgya mo kong jo rdzongs ba bsam gyis mi khyab pa/ yi dam gyi lha shAkya thub pa/ gab rtse drug cu skor/ bzo sna bco brgyad/ sman dpyad chen mo/ 'bru sna tshang / g.yog pho mo mang po dang bcas pa gnang bod du phebs/ lha sa'i mthil bye ma'i gling nags gseb/ chu mig gi 'gram du/ lha'i shing rta byings nas/ gyad lha dga' klu dgas btegs kyang ma thegs pa/ jo bo de khar bzhugs pa yin/ sa dgra mnan pa la dgongs pa'o/ /sku srung la gyad gnyis bzhag gos dar gyi bla yol gyi spyad do/ /der kong jo rgyal po dang mjal/ yab yum gsum blon 'bangs dang bcas pa dga' mgur spyod do/ /de nas rgyal po'i thugs la/ lha rten gsung rab 'di rnams bzhugs pa'i gtsug lag khang zhig bzhengs dgos dgongs nas/ kong jo la rtsis byas pas/ yul de na bkra shis pa'i rtags brgyad la sogs pa'i dge