[A:105]bkrongs so/ / ljang tsha lha dbon bang so yab kyi mdun/ zlam por brtsigs nas yod skad do/ / der yab dang / kong jo 'dus pa'i sras/ khri srong lde btsan ni/ mes srong btsan sgam po 'khrungs rting / lo brgya dang bdun cu don bzhi song ba'i lcags pho rta lo la/ brag dmar du sku bltams/ yab ni dgung lo drug cu rtsa gsum pa la ya 'brag sbal tshan khar 'das so/ /ag tshom bang so mu ra ri la brtsigs/ gral ni 'phrul gyi rgyal po'i g.yon na yod/ ming ni lha ri gtsug nam bya ba lags/ khri srong lde btsan dgung lo bcu gsum pa la/ yab 'das te/ rgyal srid lo bzhi bcu rtsa gsur bzung / 'di ni 'phags pa 'jam dpal gyi sprul par grags zhing / 'dis dam pa'i chos dar zhing rgyas par mdzad pa'i tshul ni bsam gyis mi khyab pa/ khyad par de'i dgung lo 'ga' zhig gi bar la/ sdig blon ma shang khron pa skyes kyis gros ston nas/ sngar phan rgyal rgyud sku tshe thung ba la sogs pa rnams chos khrims byas pas lan pa yin/ da bar chad zlog thabs la bod kyi lugs bzhin sus ma byas pa la 'chad pa byed zer nas/ lha shAkya mu ne bye thebs su bcug pa dang / mang yul du skyel ba dang / dkon gnyer ha shang rgan po rgya nag la bskrod pa dang / 'bangs gum pa la dge rtsa mi gtong ba la sogs pa'i khrims bu chung bcas/ bstan pa la gnod pa'i bya ba mang po byas 'dug pa thams cad rgyal bu rgyal sar ston 'phral nas bkag ma zhang khron pa skyes gson dur du bcug jo bo mang yul nas gdan drangs/ dam chos dar bar byas pa dang / bsam yas kyi lha khang bzhengs par 'dod nas/ bod 'bangs rnams shed gcog par bya ba'i phyir/ khyed rnams kyi ngas 'dod pa'i las/