[A:107]shing khang rtse dgu bzhengs/ blon po chen po shud bu dpal seng dang / rgyal tsha lha stsang / stag sgra klu gong / mchims rdo rje spre chung rnams kyis mchod rten chen po bzhi bzhengs/ de rnams shing pho stag lo spyir zla ra ba'i tshes bdun/ skar ma rgyal la 'gram bting nas/ la drug la thams cad 'byongs te/ sa mo lug la mkhan po bo dhi sa twa dang / slob dpon padmas rab gnas mnga' gsol mdzad dus byang chub sems bskyed gling gi lha gtso bo rnam snang nam mkha' la 'phags pa la sogs/ ngo mtshar ba'i rnam 'phrul mang du byung bas/ rgyal po thugs rab tu mnyes shing / blon 'bangs thams cad ngo mtshar dad mos tshugs par gyur te/ dpal gyi bsam yas mi 'gyur lhun gyi grub pa'i gtsug lag khang zhes par mtshan gsol/ rgyal pos rje'i dga' glu bcu gsum bya ba dang / blon po chen po rnams gyi skyid pa'i dpal dgu la sogs pa mi res bkra shis pa'i glu re blangs/ brag dmar mtsho mo'i mgur/ me tog pad sdong rang 'khrungs lo bcu gsum gyi bar la skyid kyi bro mo che brdungs/ dga' ston rgya chen po byas/ de nas lha khang rnams kyi dkon gnyer byed mkhan dgos pa byung nas/ des rken byas yon mchod bka' bgros te/ sba gsal snang dang / dba'as khri bzher/ ba gor bai ro tsa na/ ngan lam rgyal ba mchog dbyangs/ 'khon klu yi dbang po srung ba/ rma a tsarya rin chen mchog gtsang legs grub rnams la/ btsun pa byar rung mi rung nyams sad pas/ khyad par du 'phags pa byung bas/ bod kyi btsun pa la snga ba sad mi mi bdun du grags pa byung / de rnams la ska ba dpal brtsegs la sogs/ lo tsA ba brgya rtsa brgyad slob tu bcug de rnams la cog ro klu'i rgyal