[A:108]mtshan dang / zhang ban de ye shes sde la sogs/ lo tsA ba stong rtsa brgyad slob tu bcug nas/ mtshan nyid kyi chos dar bar byas shing / lug lo la dge 'dun de rnams mkhan po'i chos lugs bzhin yod par smra ba'i sde tshugs/ rgya gar nas dbu ma'i dge slong bcu gnyis gdan drangs nas/ dbu ma bye brag tu smra ba'i sde btsugs/ dam chos dar zhing rgyas par byas la/ lo gcig gi bar la chos mang po bsgyur te/ mkhan po'i zhal nas bod du mu stegs mi 'byung gis/ bstan pa 'di la gnyis su gyes nas rtsod par 'gyur te mthar rtsod pa phyogs gcig zhi bar 'gyur ro/ /zhes lung bstan/ der rting mkhan po bo dhi sa twa'i dbu la chibs pa'i 'phra phog nas mya ngan las 'das/ spur bsam yas has po ri'i rtse la mchod rten brtsigs nas bzhugs so/ /slob dpon padma 'byung gnas kyi spyir bod yul du mi lo lnga bcu rtsa bzhi bzhugs te/ lha klu gdug pa can thams cad dam la btags/ sa gzhi gnas gangs brag mang po gnas chen du byin gyis brlabs/ chos gter nor gter bsam gyis mi khyab pa sbas/ gsang sngags la yang lo tsA ba sad mi mi drug bya ba byung te/ gnubs nam mkha'i snying po/ 'dre rgyal ba blo gros/ ru gong birya rtsa/ gru gu u pe sha dpal rlangs kyi seng ge lang gro dkon mchog seng ge rnams kyi blon po la gsang sngags kyi chos skor ma lus pa zhus cing / sna nam rdo rje bdud 'joms/ lce ku ku ra tsa la sogs pa'i/ lo tsA byas nas gsang sngags kyi rgyud sde mang po gsungs pa rnams bsgyur to/ /gzhan yang gnyags ku mA ra dang / so zur snubs gsum/ mkhan po rdo rje rin chen la sogs/ dkyil 'khor bco brgyad du grags pa'i slob ma grub