[A:113]skad sna tshogs kyi bsgyur ba'i chos thams cad/ rgya gar bstan pa'i 'byung khungs yin pas/ rgya gar gyi skad zhe gcig tu bsgyur/ bod skad gsar bcad kyi gtan la phab/ snga so'i yab mes rim pas lha khang mang du bzhengs 'dug gi ngas ni 'dzam bu'i gling du che tshad thub pa'i lha khang zhig bzhengs par 'dod pas/ nyi ma tsam dang zla ba tsam dang / skar chen gyi tshad tsam bzhengs pas/ sa dmigs tshol cig gsungs pa la blon 'bangs byings po'i blo la ma chud de/ chu dang brag gi bkag nas de 'dra shong sa bod yul na ni mi bdog zer ba rim par zhus pas/ 'o na skar ma chung shos kyi tshad rgyang grags yin zer ba de tsam zhig bzhengs so gsungs nas/ skar chung rdo rje dbyings gyi lha khang bzhengs/ rab byung thams cad kyi 'tsho ba sbyar/ lha sa dang bsam yas la sogs su bshad grwa bcu gnyis/ yer pa dang mchims phu la sogs su sgom grwa bcu gnyis btsugs/ stangs 'bul 'bul drug sems phyogs gnyis su byas nas dam chos dar zhing rgyas par mdzad/ lha sa'i khyam phra bzos/ dgung lo lnga bcu rtsa bzhi pa me mo bya lo la sbrags kyi phur 'das so/ /rgyal chen bang so 'phrul rgyal mdo na yod/ /yum gyi chab gang skong pas nang gi mthong / /ming ni rgyal chen 'phrul rigs lags so skad/ /de'i mdun na yi ge yig tshang bris pa'i rdo ring zhig kyang yod do/ / rje de dang 'bro bza' mang po rje'i sras lnga la/ gtsang ma/ dar ma/ ral pa can/ lhun rje/ lhun grub rnams las/ gtsang ma chos la dga' ches/ dar ma sdig la dga' ches pas rgyal sar ma bskos/ lhun rje lhun grub gnyis gzhon nu la 'das pas bang so med do/ /