[A:115]yon gyi g.yas mtshal dang / dam yul me long thang / ka ba dpal brtsegs kyis ka ba yul sna/ tshe spongs stag bzang rab mdos/ stong lung lhag ma/ tshe spongs lha bzang klu dpal gyis/ bo dong bya rgod shong kyi lha khang rnams bzhengs so/ /lar ni 'di yan la bod kyi rgyal blon rnams kyi rgya bod du/ gtsug lag khang stong rtsa brgyad bzhengs par 'dod do/ /chos rgyal de ni sngon sangs rgyas kyis lung bstan par byed cing / phyag na rdo rje'i sprul par grags/ 'phrin las kyi gtso bo dam chos la spyod/ dkon mchog mchod/ tshogs gnyis kyi nor gsog rgyal khrims chos bzhin du skyong / rab tu byung ba re re la/ 'bangs mi khyim bdun bdun phul/ 'tsho ba sbyar bkur sti dang phud dud bgyis/ bstan pa'i gshed dang / mnga' thang skyed yab mes kyi ring la chab 'og tu ma chud pa'i/ shar phyogs rgya nag po dbang du 'dus/ spo lon shan dar dkar gyis yol ba bkrams pa 'dra ba la gtugs/ nub phyogs stag gzig gi so mtshams/ stag sha dung gi sgo mo 'dra ba dang / byang phyogs hor gyi so mtshams/ bye ma rkang ring nya yi rgyab 'dra ba dang / lho phyogs mon lta la wa ta'i shel gyi dum bu 'dra ba/ de rnams la gtugs shing 'dzam bu gling gi sum gnyis dbang du 'dus par byed do/ /bod rgyal po'i mnga' thang che shos la byung bar gda'o/ /de'i dus tsa na khyim ni bag gro/ mi ni khong dal/ phyugs ni lo dang zla ba na sdud/ mi nyal nyi ma klong / 'bri yan sna med/ rta yan sgrog med/ sgo la khyi med/ rje byams 'bangs gus/ grogs gzhung bzang / gnyen sha tsha/ pho ni dpa'/ mo ni mdzangs la chas bzang / bod 'bangs byings po bde skyid la longs spyod/ sangs rgyas kyi bstan pa ches dar