[A:119]bon rgan dmu zu gsal bzang bya ba'i tsha bu/ dmu zu rab gsal 'bar bya ba/ lo bco lnga pa gcig khongs rnams la dad nas/ gtsang gi mkhan po gsol g.yos slob dpon byas te/ dge tshul zhus pa'i ming / dge ba rab gsal du btags so/ /'di'i skabs su lha sar/ lha lung dpal gyi rdo rjes sdig rgyal bsad nas bros pa'ang / mdo smad du khong rnams 'dzoms pa'i dge ba rab gsal bsnyen rdzogs byed pa la/ sngar gyi mkhan slob dang / dmar gyi gsang ston byas/ lha lung dpal rdor gyi rgyal po bsad pas kha skong mi rung zer/ rgya'i ha shang ke wang dang / gyi wan bya ba btsal nas/ de rnams kyi drung du bsnyen rdzogs byas/ ming dgongs pa rab gsal du grags zhing / des bstan pa'i me ro smad nas bslang zhes zer ro/ /der rting lo lnga nas/ bla chen dgongs pa rab gsal gyis mkhan po mdzad/ spang gong ye shes g.yung drung dang / par rin gsal/ 'al rdo rje dbang phyug snubs rakshi ta/ jo bo ye shes seng ge cog ro shes rab byang chub rnams/ dge tshul sgrub tu bcug pa/ mkhan slob cha ma tshang bas/ bla chen gyi slob ma la snga ba khams kyi zog po mi drug bya bar grags pa byung / bla chen gyi bka' rtags kyi phyag rgya bzhi bya ba yang de rnams la byas par byed de/ bzhi ni zhwa theb kyi mu thum dang / bla gos kyi mtha' mtshams dang / tor bu/ ka pa la'i nang rnams sngon por mdzad pa/ bla chen dang po bon po'i rgyud par song bas/ thugs zhen gyi brda mtshon yin zer bar 'dug de rnams kyi rgyu mtshan/ bsam yas nas yum brtan gyi rgyal rgyud/ mnga' bdag tsha la na yab sras kyi gsan nas/ dbus gtsang gi mi drug mdo smad du chos 'tshol ba la btang ba ni/