[A:8]par bshad na'ang / rus kyi phyi mo bcu gnyis tsam la bsdus so/ /de la rgyal rigs rnams che ba/ rje rigs rnams mthun pa/ bram ze'i rigs rnams gtsang ba| dmangs rigs rnams mang ba dang bzhi las/ spyi'i rigs bzhi zer te/ 'dzam bu gling pa'i mi rigs thams cad 'di bzhir 'dus so/ /bar gyi rigs bzhi ni/ rgya gar ba lha las chad pas/ saMskri ta lha'i skad du smra/ rgya nag pa klu las chad pas/ na ga tri ta klu'i skad du smra/ hor lha ma yin las chad pas/ a su tri ta lha ma yin gyi skad du smra/ bod spre'u dang brag srin mo las chad pa ni/ a wa bhraM sha tri ta 'dre'i skad du smra ba dang bzhi'o/ /nang gi rigs bzhi ni/ stong dang / ldong dang / se dang / dmu rnams te/ 'di bzhi las bod mi phal che ba gyes par bshad pas/ 'di rnams la rus kyi phyi mo bcu gnyis zhes grags/ yang lugs gcig la/ phyi'i mi'u rigs bzhi ni/ spang phug gi phyi ba dang / ko kyong gi sbal pa dang / spra dang / spre'u de bzhi'o/ /nang gi mi'u rigs bzhi ni/ gam shang rgya dang / gyim shang hor/ kha le mon/ spu rgyal bod dang bzhi'o/ /de'i nang nas/ rgya la grol cha gnyis su gyes pa ni/ dmu rus dang / ke la'o/ /hor la yang gnyis su gyes pa ni/ srin tsha dang / lha tsha'o/ /mon la rigs gsum byung ba ni/ mon rang rgyud pa dang / rgya bod mtshams kyi mi nyag kong po dang gsum mo/ /bod la mi'u gdung drug tu grol te/ de yang bod khams pa'i lugs la/ sngon yul rma kha shu g.yag shur bya ba'i gong khar/ srid pa rgya lu thing ge zhes pa la bu gsum byung ba la rgya bod hor gsur du gyes pa'i/ bod mi khri tho chen po bya ba de la bu drug byung ba ni/ dbra 'bru ldong gsum lga dang bzhi/ nu bo was dha gnyis dang drug