[A:137] bod dbus gtsang du thog mar hor jing gir rgyal pos/ rgya nag rgyal sa lon nas rgyal khams byings po mnan/ bu rnams la sa bgos byas pa'i dus dang / gzhan yang hor rgyal po na rim gyi bar la/ lha sde mi sde phye gsal dang sa tshigs/ dud bgrang lugs ci rigs su byung 'dug na'ang / 'dir hor tho gon thi mur rgyal pos/ khri thog phebs nas/ dho shu ta a nu gan bya ba dang / gab phyag twa'i phing chang mngags nas/ dbus gtsang dpon chen gzhon dbang skyar ma'i dus/ sa tshigs dud grangs/ hor dud bcas pa ni 'di ltar snang ngo / khang pa ka ba drug gi khyon cig zhing hor son khal bcu gnyis kyi sa/ mi bza' mi bu tsha bran khol pho mo dang bcas pa drug phyugs sgal rmos bzhon gsum/ ra lug mgo chen gnyis rnams la mgo swe nyi shu rtsa bzhi yod par 'dug pa/ de 'dra zhig la hor dud tshang ma gcig zer bar 'dug cing / hor dud lnga bcu la rta mgo gcig de gnyis la brgya skor gcig de bcu la stong skor gcig de bcu la khri skor gcig zer zhing / khri skor lugs can tshang ma la/ lha sde stong skor bzhi dang / mi sde stong skor drug dgos pa yin pa 'dug khri skor bcu la klu gcig de bcu la zhing gcig zer ro/ /'di bzhin rtsis pa'i zhing bcu gcig hor se chen rgyal po'i dus mnga' 'og tu chug pa yin pa 'dug cing / zhing gi ming ni ta'i tu'i mkhar nang na cong zhing / phyi so na ho nam zhing / zhim za zhing / gam zu zhing / si chon zhing / hu nam zhing / gyang si zhing / byang ci zhing / gu ru zhing / le'o yang zhing / bod chol kha gsum gyis/ zhing gtsang ma ma long na yang / bla ma'i bzhugs gnas dang / sangs rgyas kyi bstan pa dar ba'i sa phyogs yin pas zhing gcig tu bgrangs pas/ bcu gcig yin zer ro/ /las gnas bskos pa'i rim