[A:143]re rgyal po yon mchod bka' gros su bstun nas bsko bar mdzad 'dugadabang yon rting ma la bla ma'i bka' bzhin/ rgya'i yur ma chen mo phul nas/ rgya mi khri khrag mang po srog thar du bcug de dus bla ma 'phags pas bsngo ba smon lam 'di ltar mdzad do/ /nam mkha'i khams ni khrag gi mdog ltar dmar/ /rkang leb ro yis phyi yi rgya mtsho gang / /'di 'dra bcad pa'i dge ba gang de yis/ /mkhyen rab dbang phyug thugs dgongs rdzogs phyir dang / /phan bde'i bstan pa rab tu dar phyir dang / /mi dbang sku tshe shin tu brtan phyir bsngo/ /zhes gsungs shing / sangs rgyas kyi bstan pa dang 'gro ba sems can gyi don la phan pa rgya chen po mdzad par gda'o/ /gong ma se chen rgyal po dang / bla ma 'phags pa gnyis thugs so bsod 'bel gtam gleng ba'i skabs na/ rgyal pos bla ma la/ dang por jing gir rgyal pos rgyal khams byings po bsdus pa'i skabs na/ nged kyi rgyal khams chos pa dang / 'jags su 'jug pa'i dus su yang / shed mong legs par gdabs pas/ hor kyi dmag mi rnams la/ da lta zas nor gyi stobs zhan pas/ shed mong snon pa'i thabs dang chos phyogs ji ltar byas na 'thad gsungs pas/ bla ma'i zhal ta/ khyed rang la yod pa'i mdzod kyi cha rkyen dang / dmag mi res pa'i grangs longs la/ lo 'ga'i bar la gzhi bcas kyis lto gos 'tsho ba'i gnang sbyin byed par 'os gsung ba byung nas de bzhin byas pas/ dmag mi la rtsa ba'i hor dmag khri tsho lnga bcu dang / res pa yang tshan che bar byung ba la/ gnang sbyin byed pa'i cha rkyen ma ldang byung pas/ yang rgyal po'i gsungs nas/ da lta cha rkyen gyi ma lcog byung bas/ hor yul gyi lho phyogs na/ /