[A:10]rgyal rabs kun gyi mchog gyur rgya gar rgyal rabs bzhugs so/ /na ma sarba buddha bo dhi satwa bhe/ kun mkhyen kun la mkhas pa'i zas gtsang sras/ /lha'i lhar gyur srid pa gsum gyi mgon/ khams gsum mun pa'i smag rum sel mdzad pa/ /bu ram shing pa'i gdung 'dzin zhabs la 'dud/ /'dren mchog de yis mi mjed 'jig rten 'dir/ /gzigs pa lnga yis 'gro ba'i don la byon/ /rgyal ba'i zhing mchog rgya gar rgyal rabs 'di/ /rgyal rabs kun gyi rtse mor 'bri bar bya/ /thog mar 'dzam gling 'di na mchog gyur pa/ /zas bzhi ming drug tha dad rnam gsum gyi/ /kun nas 'byor pa sngon med mi yi bdag/mang pos bkur ba'i zhabs la phyag 'chal lo/ /de yang sngon rabs dang da ltar byung ba'i lo rgyus/ kha dog sna tshogs pa las/ dang po rgyal po mang pos bkur ba'i gdung rabs 'di/ sngon la bshad par bya ba yin te/ 'dzam bu gling 'di dang po byung ba dang / mchog tu gyur pa'i phyir ro/ /dang po stong gsum 'jig rten gyi khams 'di chags pa na/ /'dzam bu gling 'di chus rgya mtsho chen po'i steng du/ rlung gis bsrubs pa'i spris ma mar gsar lta bu'i sa chen po 'di chags zhing / 'od gsal gyi lha 'ga' zhig tshe 'phos nas der mir skyes nas/ rang 'od kyis rang gsal zhing mkha' la 'gro la/ dga'