[A:169]bcas te/ chos skyong la mi lab pa bzhin du/ da nga na so rgas pa la khyod mi dgos/ khyod rang 'khon sa skya ba'i rjes la song zhig gsungs nas brdzangs pa/ de phyin chad sa skya pa'i chos skyong gur mgon la byed pa byung ba yin no/ /bla ma zhang ston chos 'bar la gsung ngag ri po che zhus/ bla ma gnam kha'u pa la chos skyong zhal bzhi pa'i sgrub thabs cha lag tshang ma zhus/ de nas sa skya pa'i chos skyong che chung du grags pa byung ngo / /bla ma sa chen 'di nyid kyis gdan sa lo zhe brgyad bzung ba'i dgung lo drug cu rtsa bdun pa sa pho stag gi lo/ tha skar zla ba'i dkar phyogs tshes bcu bzhi'i dus su/ g.yas ru skya bo'i kha gdangs su zhi bar gshegs so/ /de'i dus su kun gyi mthun snang grub par/ bde ba can dang / po ta la dang / u rgyan dang / byang phyogs gser mdog can rnams su gshegs pa'i sku'i bkod pa bzhi bstan par grags so/ /bla ma de nyid kyi jo mo chung ba/ jo lcam phur ma la/ thog mar sras kun dga' 'bar 'khrungs/ gzhon nu la rgya gar du byon/ ma ga dhar/ rig pa'i gnas lnga la mkhas par gyur nas/ bod la 'byon khar tshad pa'i snyung gzhis dgung lo nyi shu rtsa gnyis pa la ma ga dhar zhi bar gshegs so/ /jo mo che ba tsha mo rong pa/ ma gcig 'od sgron ma'i sras che ba/ slob dpon rin po che bsod nams rtse mo/ yab dgung lo nga bzhi pa'i dus su chu pho khyi lo la sku 'khrungs te/ sku bltams pa tsam gyis pha rol tu phyin pa'i blo gros dang ldan pa zhig go/ dgung lo zhe gcig pa chu pho stag gi lo smal po zla ba'i tshestshe bcu gcig la zhi bar gshegs so/ /bar pa rje btsun grags pa rgyal mtshan ni/ yab dgung lo nga drug pa'i dus/ me mo yos lo smal po zla ba'i tshes brgyad la sku