[A:170]'khrungs te/ bzod pa thob pa'i rgyal ba yin cing / dbu rtse rnying ma bzhengs/ rgyas par rnam thar chen mor blta'o/ /gdan sa lo zhe lnga mdzad/ dgung lo bdun cu pa me pho byi lo khra zla ba'i tshes bcu gnyis pa bde ba can du gshegs so/ /gcung po chung ba dpal chen 'od po ci yab dgung lo nga dgu pa/ lcags pho rta lo smin drug zla ba'i nyi shu lnga la 'khrungs te/ nga bzhi bzhes pa chu mo phag lo zla ba lnga pa'i nyi shu gcig la bde ba can du gshegs so/ /bla ma de'i jo mo ma gcig gar phu ma nyi ri lcam la/ sras che ba chos rje sa skya paNDi ta kun dga' rgyal mtshan dpal bzang po de nyid yab dgung lo so gsum bzhes pa'i dus chu pho rta lo khra zla ba'i nyi shu drug la sku 'khrungs te/ gzhon nu nyid nas yab mes kyi chos lugs/ ma lus par mkhyen cing / dgung lo nyi shu rtsa lnga lon pa'i me pho stag lo la/ kha che paN chen shAkya shrI/ 'khor paN chung mang po dang bcas pa bod du byon dus/ myang smad rgyan gong gi gtsug lag khang du/ paN chen gyis mkhan po mdzad/spyi bo lhas pas slob dpon mdzad/ zhu 'phreng bas gsang ste ston pa mdzad nas/ rgya bod kyi dge 'dun 'dus pa rgya mtsho'i dbus su rab tu byung zhing bsnyen par rdzogs pa yang de ltar ro/ /bla brang shar/ shar pa shes rab 'byung gnas la gnang / bzhi thog bla brang btab/ kha che paN chen la sogs pa mkhas grub mang po bsten/ rig pa'i gnas lnga la phul du phyin nas/ skyid grong du 'phrog byed dga' bo la sogs/ mu stegs kyi ston pa drug btul/ 'khor bcas rab tu byung nas/ nang pa'i bstan pa la btsud/ chos kyi mnga' bdag chen por gyur/ dgung lo drug cu re gsum bzhes pa shing pho 'brug lo la/ hor gyi rgyal po e chen go