[A:187]sa skya'i bu chen shar nab gung gsum dang / /khang gsar chen mo ba'i byon tshul bzhugs so/ /chos rje khu dbon gyi slob ma/ shar nub gung gsum khang gsar pa dang bzhir grags pa'i shar pa'i gdung rus ni/ zhang zhung sngags rnying ma ba/ jo 'bum zhes pa'i sras gsum gyi gcen po pa/ bla ma shar pa ye 'byung chos rje pa la rab tu byung / des dpon chen shAkya bzang po la/ bla brang shar nyos nas bzung / dgung lo drug cu rtsa bzhi thub/ gnyis pa slob dpon rdo rje 'od zer bas shar gyi gdan sa lo bdun mdzad/ dgung lo re gnyis thub/ gsum pa slob dpon 'od zer 'phen rten dge bsnyen yin/ khong sku mched kyi lcam mo'i sras bla ma ye shes rgyal mtshan/ chos rje pa dang shar pa ye 'byung gi slob ma yin/ gong ma se chen mangga la'i bla mchod byas/ bla ma rdo rdze 'od zer gshegs rting gdan sa lo bcu dgu mdzad/ dgung lo re drug thub/ shar pa chen po rab tu ma byung bar kyi sras/ phyug mo rdze btsun skyabs ma la sras gsum byung / 'gro mgon'gon 'phags pa'i slob ma yin/ gcen po dus 'khor pa ye rin/ bla ma 'phags pa shing kun nas gdan 'dren pa la sa skya pa spyis brdzangs/ phyi'i se chen rgyal po'i ti shri mdzad/ dgung lo zhe bdun pa la rtse lngar gshegs/ bar pa bla ma kun dga' seng ge sa pho spre lo la gong du byon/ gong ma dang rgyal bu A nan ta'i bla mchod