[A:188]mdzad/ dbus gtsang du phebs nas gdan sa lo dgu mdzad/ dgung lo re brgyad bzhugs/ gcung 'jam dbyangs rin chen rgyal mtshan sa pho rta la 'khrungs/ me mo phag lo nas se chen gyi lung gis sa skya bzhi thog gi bla chos lo bco brgyad bshad/ nyi ma re la chos dung lan lnga lnga 'bud pa byung / phyis gong du o ja du rgyal po'i ti shri mdzad/ dgung lo zhe dgu la gong du sku gshegs/ lung dang rtogs pa'i yon tan phun tshogs mnga'/ dpal ldan sa skya pa'i mnga' thang bla ma de dus che ba lags/ bla ma shar pa kun seng dang / ma cig mkha' 'gro 'bum gyi sras che ba slob dpon chen po seng ge dpal dgung lo sum cu pa la rgya yul du gshegs so/ /bar pa kun dga' bsod nams pas gdan sa lo so bzhi bzung / re gnyis pa me pho khyi lo la sku gshegs/ gcung po slob dpon chen po kun dga' rin chen dang / ma gcig nam mkha' rgyan gyi sras che ba/ slob dpon rin chen rgyal mtshan pas gdan sa mdzad/ rta lo'i lo lnga bcu bzhes/ bar pa slob dpon kun dga' rgyal mtshan/ gcung po slob dpon nyi ma gzhon nu la sku gshegs/ nub pa'i thog ma slob dpon 'u yug pa bsod nams seng ge chos rje pa la thug de la slob dpon zangs tshas nyi thog phog de'i gcung po gcig gi sras bla ma kun smon yang chos rje pa la thug de'i gcung po kun dga' mdzes sku mched gnyis/ phyis dpon chen kun dga' bzang po'i phyogs su chad nas bla ma 'phags pa'i thugs dang ma mthun par/ se chen gyi lung gis spyugs nas/ gcen po sman tshe'i yul du 'das/ de'i dbon po yon tan dpal gyi/ dbon po sangs rgyas dpal gyis gdan sa mdzad do/ /