[A:192]legs gsungs/ de 'phral la thig tshad byas par yar khyer nas/ 'dam sog yan dbus gtsang gi khri stong / mi sde rnams la bka' shog bkram/ mi lag bskul nas/ de kha'i lo la lha khang chen mo'i 'gram bting / lcags ri nang ma lcog spe 'bur lcog chung dang bcas pa brtsigs pa'i dus su/ shing cha rnams drangs nas lha khang chen mo'i 'og thog ci rigs phub tshar ba'i mtshams dpon chen ngang la sa skyar sku gshegs so/ /'di sa skya pa la yus po che'i mi gsum gyi rgan pa blon po drin chen du 'dug pa/ khong gi dbon po bsod dbang 'das rting dus mchod kyang mi gnang pas/ dpon chen dbang brtson gyis lha sa gro khud phul byung / ba mo gzhung rnams la gzhis chung re yod pa rtsad na sa/ dus mchod la btsugs yod pas/ dpon chen dang nang so su 'dzin gyis 'di bzhin gyi do dam byed dgos/ dpon chen shAkya bzang po'i rjes la/ nang gnyer kun dga' bzang pos dpon chen tshang ma lo drug byas/ de'i bar la lha khang gi lcags ri lcags chung 'og thog thigs khang zhabs su phyug par byas/ gser 'phru chen mo btsugs/ chos rje sa paN gyi nang bstan byang chub chen po'i gser sku dang / lha khang gi khyams la ri mo thams cad bzhengs/ rin chen sgang bla brang dang / dbu rtse byang lha khang bla brang dang bcas pa 'debs pa'i do dam byas/ kun dga' bzang pos las kha btad nas/ bya rog tshang du lo drug bcu'i bar la/ dpon chen zhang btsun dang / phyug po sgang dkar ba byang rin gsum po/ bla mas zhal ltas rim gyis bskos/ kun dga' bzang po la bla ma ma mnyes nas/ se chen gyi lung gi saM gha ching sang gis mgo byas rtsa ba'i hor dmag 'bum phrag gcig btang / dmag