[A:196]/khri skor mchog gyur zha lu ba'i byung tshul dang / myang yul chags lugs bzhugs so/ /oM swa ti/ 'gro ba'i bla ma dpal ldan sa skya pa/ /'jam dbyangs rnam 'phrul rim pa'i sku drin las/ /dbus gtsang 'di yang khri stong dbang bsgyur ba'i/ /sde dpon stobs ldan che gnyan mang byung ba/ /de'i nang nas rigs bzang sku nye shing / khri skor bcu gsum dag gi mchog gyur pa/ /zha lu sku zhang byon tshul 'di ltar grags/ de'ang 'di ltar thos te/ sngon rgyal po khri lde 'od srung dang / btsun mo lcog ro bza' dkar rgyal mo legs la/ sras mnga' bdag dpal 'khor btsan/ de'i btsun mo tshe spong bza' dkar rgyal la/ sras skyid sde nyi ma mgon dang / bal bza' phan rgyal la/ khri bkra shis brtsegs pa dpal btsan chung btsan 'dis/ sngon ma stod phyogs su byon/ gu ge spu hreng ya tshe rnams kyi/ mnga' bdag mdzad pa la sras dpal gyi mgon dang / bkra shis nyi ma mgon/ lde gtsug mgon rnams byung ba la/ stod kyi mgon gsum zer ro/ /de'i rgyud stod kyi rgyal rgyud rnams yin no/ /gcung po khri bkra shis brtsegs pa dpal/ /rting la stod phyogs su spyugs/ mnga' ris gung thang man la chags/ sras dpal lde dang 'od lde/ skyid lde rnams byung ba la/ smad kyi lde gsum zer/ gcung skyid lde de/ 'jad rta nag ngos su phog pa la/ sras drug byung ba'i lnga pa'i rgyud 'gro