[A:198]'dus bya'o/ /mi rigs mi 'dra ba gnyis ni/ brag shos rnams shin tu phyugazhan pa rnams dbul zhing 'phongs/ zong sna mi 'dra ba gsum ni/ rnga ma phyings pa/ sle khra yod do/ /phu'i 'brog sde dang / mda'i zhing pa rnams cha snyoms pas/ sha phyed tshong byed pa byung ngo / /chung ba lce btsad gyi dbang rigs/ sna bo brag rdog man bcug pa yu ba gdong yan la/ yul sde chen po gcig tu byed/ de'ang phu byang shar 'khor stod la kha dang / mda' lho nub chu sgo gzhung la bstan pa/ bseg 'gros su yod pa/ de'i phu na 'brog sde gsum ni/ sgrol lcags ra gsum mo/ /bar gyi tshong 'dus ni/ gtsang tshong 'dus mgur mo'o/ /mi rigs mi 'dra ba gnyis ni/ brag shos rnams mdzangs shas che/ zhan shos rnams khram shas che'o/ /zong sna mi 'dra ba gsum ni/ gtsang ther/ dor skyegs/ star zon rnams yod do/ /phu'i 'brog sde chung/ mda'i zhing sa khyon ches cha ma snyoms pas/ sha gzugs tshong byed pa 'byung ngo / /de ltar yul bgos byas pas/ gzhan gang dang gang cha snyoms par byung na'ang / gam ru'i g.yam pa legs po de la gang yang yong / mi 'dzad pa'i gter dang 'dra bas/ phyug pa dang g.yam pas rgyal lo/ /zer byung zhing / da lta khyung g.yam du grags so/ /dus phyi rting btsad po mched gsum la/ dar gud byung te/ yul sde gsum ga gcung po lce btsad kyis bzung / de gong myang stod gzhung phal che ba zhing la thag ma dang / chu mig la brten pa las med pa la/ lce btsad/ shes rab dang 'byor stobs che bas sa rgya 'di la bde chod pa'i thabs dgos pa 'dug zer nas/ myang stod kyi byang rgyud du/ rtsa rnams kyi rgyal rkas dang / lho rgyud du spang yul bzhengs kyi 'od rka bya ba dang / myang smad byang du